rakesh jhunjhunwala talks about what happend in meeting with PM modi scsg 91 | पंतप्रधान मोदींसोबतची ती भेट नक्की कशासाठी होती? राकेश झुनझुनवालांनी सांगितलं कारण; म्हणाले, "मी मोदी..."

गुंतवणूक क्षेत्रातील मोठे प्रस्थ आणि दलाल स्ट्रीटचे तसेच भारताचे ‘वॉरेन बफेट’ म्हणून ओळखले जाणारे ३४,३८७ कोटींचे मालक राकेश झुनझुनवाला (Rakesh Jhunjhunwala) यांनी ५ ऑक्टोबर २०२१ रोजी पंतप्रधान नरेंद्र मोदींची भेट घेतली होती. पंतप्रधान नरेंद्र मोदींनीच झुनझुनवालांसोबतचा एक खास फोटो शेअर केल्याने या भेटीची प्रसारमाध्यमांबरोबरच सोशल नेटवर्किंगवरही फारच चर्चा रंगल्याचं पहायला मिळालं.राकेश झुनझुनवाला यांना भेटून फार आनंद झाला. ते फार बोलते, माहितीपूर्ण आणि भारताबद्दल हीरहिरीने बोलणारे असल्याचं मोदींनी त्यांच्यासोबतचा फोटो शेअर करताना कॅप्शनमध्ये म्हटलं होतं.मात्र ही भेट नक्की कशासाठी झाली होती आणि या भेटीत काय काय चर्चा झाली याबद्दल झुनझुनवाला यांनी खुलासा केलाय.नुकत्याच पार पडलेल्या इंडिया टुडेच्या कॉनक्लेव्ह २०२१ या कार्यक्रमामध्ये झुनझुनवाला सहभागी झाले होते. तेव्हा त्यांनी या भेटीबद्दलचा खुलासा केला.मोदींना भेटण्याआधी झुनझुनवाला हे केंद्रीय अर्थमंत्री निर्मला सितारामन यांनाही भेटले होते. या भेटीचा फोटो निर्मला यांच्या कार्यालयाच्या अकाऊंटवरुन शेअर करण्यात आलेला. राकेश झुनझुनवाला हे दिल्लीत दिसणं तसं दुर्मिळ आहे, असं म्हणत पत्रकार राहुल कनवालने झुनझुनवाला यांना या भेटीसंदर्भात प्रश्न विचारण्यास सुरुवात केली.आधी तुम्ही अर्थमंत्र्यांना भेटले नंतर तुम्ही पंतप्रधानांची भेट घेतली. त्यांनी तुम्हाला का बोलवलं हा प्रश्न बाजूला ठेऊयात. पण तुम्ही मोदींना आणि मोदींनी तुम्हाला काय सांगितलं?, असा थेट प्रश्न राहुलने विचारला. "मी मधूचंद्राच्या दिवशी माझ्या पत्नीशी काय बोलणं झालं हे तुम्हाला सांगणार आहे का?, असा उपरोधिक प्रश्न झुनझुनवाला यांनी राहुल यांना विचारला.झुनझुनवाला यांनी प्रश्नाला उत्तर म्हणून हा मजेदार प्रश्न विचारल्याने अनेकजण हसू लागले."ती एक हायफ्रोफाइल मिटींग होती. एक गोष्ट लक्षात घ्या की त्यांनी फोटो ट्विट केलाय," असंही झुनझुनवाला या बैठकीबद्दल बोलताना म्हणाले."माझ्याकडे त्या भेटीचे फोटोही नाहीयत. मला तर फोनही घेऊन जायला परवानगी नव्हती," असंही झुनझुनवाला म्हणालेत."त्यामुळे मला फोटो काढण्याची संधीच नव्हती. समोरची व्यक्ती पंतप्रधान आहे ऐवढाच विचार माझ्या डोक्यात होता," असंही त्यांनी सांगितलं."मी भाजपा समर्थक आहे. मी मोदी समर्थक आहे," असंही झुनझुनवाला म्हणाले.तसेच झुनझुनवाला यांनी भारतीय अर्थव्यवस्था भरारी घेईल असं मला वाटतंय, असंही मत व्यक्त केलं.तर याचबद्दल मी प्रेझेन्टेशन दिलं की मला असं का वाटतंय. मी त्यांना समर्थन का देतो हे ही त्यांच्या कानावर घातल्याचं झुनझुनवाला यांनी स्पष्ट केलं. "पंतप्रधान मला का भेटले हे तुम्ही त्यांना विचारा," असं झुनझुनवाला यांनी याचसंदर्भातील प्रश्नावर बोलताना आधी म्हटलं होतं.मला ठाऊक नाही की ते मला का भेटले, असंही यावेळी बोलताना झुनझुनवाला म्हणाले. (सर्व फोटो सोशल नेटवर्किंग, ट्विटर, पीटीआय, रॉयटर्स आणि एपीवरुन साभार)