Photos : ‘जेसीबी की खुदाई…’ मुळे ट्रेंडमध्ये आलेल्या बुलडोझरची किंमत माहितीये का?

एकेकाळी 'जेसीबी की खुदाई' मुळे ट्रेंडमध्ये आलेला बुलडोझर सध्या पुन्हा चर्चेचा विषय बनला आहे. सर्वसामान्यांच्या आकर्षणाचा केंद्रबिंदू ठरलेल्या बुलडोझरने राजकारण्यांनाही भूरळ घातली आहे. उत्तर प्रदेश निवडणुकीदरम्यान मुख्यमंत्री योगी आदित्यनाथ देखील हातात खेळण्यातील बुलडोझर घेऊन दिसले. (फोटो : इंडियन एक्सप्रेस) भारत दौऱ्यावर असलेल्या ब्रिटिश पंतप्रधान बोरिस जॉन्सन यांनी देखील गुजरात मधील जेसीबी मशीन कंपनीला भेट दिली. यादरम्यानचा त्यांचा बुलडोझरवरील फोटो सोशल मीडियावर तुफान व्हायरल होत आहे. (फोटो : इंडियन एक्सप्रेस) पण सर्वसामान्यांपासून ते राजकारण्यांपर्यंत आकर्षणाचा केंद्रबिंदू ठरलेल्या जेसीबीचं नाव आणि किंमत तुम्हाला माहितीये का? बुलडोझरला सर्वसामान्य भाषेत जेसीबी असं म्हटलं जातं. परंतु जेसीबी हे बुलडोझरचं नाव नसून मशीन बनवणाऱ्या कंपनीचं नाव आहे. जेसीबी कंपनीचं पूर्ण नाव जोसेफ सिरिल बामफोर्ड (Joseph Cyril Bamford) असं आहे. तर या मशीनचं खरं नाव बैकहो लोडर (backhoe loader) असं आहे. पहिलं जेसीबी मशीन पांढऱ्या आणि लाल रंगाची होती. पण नंतर त्याचा रंग बदलून पिवळा करण्यात आला. याचं मुख्य कारण म्हणजे पिवळा रंग मातीशी संबंधित आहे आणि हा रंग गर्दीतही दुरून उठून दिसतो. त्यामुळे दिवस असो वा रात्र, बुलडोझरच्या पिवळ्या रंगामुळे येथे उत्खननाचे काम सुरू असल्याचे दुरूनच कळते. बुलडोझर मशीनचे अनेक प्रकार आहेत. यापैकी 'लोडर' आणि 'बकेट मॉडेल' हे दोन प्रकार आहेत. बुलडोझर बनवणाऱ्या प्रसिद्ध 'जेसीबी' कंपनीचे 'जेसीबी थ्रीडी एक्स', 'जेसीबी थ्रीडी एक्स सुपर', 'जेसीबी थ्रीडी एक्स्ट्रा', 'जेसीबी ४३० झेड एक्स', 'जेसीबी ४३२झेड एक्स' असे वेगवेगळे मॉडेल उपलब्ध आहेत. या जेसीबी मशीनची किंमत अतिशय किफायतशीर आणि लोकांच्या बजेटमध्येही असते. भारतात जेसीबी मशीनची किंमत ८ लाख ते ५० लाख रुपये आहे. (सर्व फोटो : Pexels)