Anant-Radhika Engagement : अनंत अंबानी-राधिका मर्चंटचा दणक्यात साखरपुडा, कुटुंबियांचे खास फोटो पाहिलेत का?

उद्योगपती मुकेश अंबानी आणि नीता अंबानी यांचा धाकटा मुलगा अनंत अंबानीचा साखरपुडा नुकताच पार पडला. अनंत अंबानीचा साखरपुडा राधिका मर्चंटशी झाला आहे. त्या दोघांच्या साखरपुड्याचे अनेक फोटो आणि व्हिडीओ समोर आले आहेत. या फोटोत राधिका आणि अनंत दोघेही फारच आनंदात असल्याचे पाहायला मिळत आहे. अंबानींच्या मुंबईतील अँटिलिया या निवासस्थानी त्या अनंत आणि राधिका यांचा साखरपुडा पार पडला. यावेळी अनंतने निळ्या रंगाचा सलवार कुर्ता आणि जॅकेट अशी वेशभूषा केली होती. तर राधिकाने घागरा चोली परिधान केली होती. त्यावर छान नक्षीकामही पाहायला मिळत होते. त्याबरोबर राधिकाने गळ्यात डायमंडचा नेकलेस, कानातले आणि बिंदीही लावली होती. अंबानी कुटुंबाचा एक फॅमिली फोटोही यावेळी समोर आला आहे. यात अनंत-राधिकासह नीता अंबानी, मुकेश अंबानी, ईशा अंबानी, आकाश अंबानीही दिसत आहे. त्याबरोबर नीता अंबानींची मोठी सून श्लोका अंबानीही यावेळी दिसत आहे. तसेच त्यांचा जावई आनंद पीरामलही या कार्यक्रमात सहभागी झाला आहे. अनंत आणि राधिका यांच्या साखरपुड्याच्या निमित्ताने अँटिलिया निवासस्थानी जय्यत तयारी केली होती. अगदी राजेशाही थाटात त्या दोघांचा साखरपुडा पार पडला. (सर्व फोटो - Instant Bollywood/इन्स्टाग्राम)