सापाला कान असतात का? ते खरंच ऐकू शकतात? सारखे जीभ बाहेर का काढतात? नागोबाचं सत्य जाणून व्हाल चकित

जगभर सापांच्या शेकडो प्रजाती आढळतात. यातील काही प्रजाती विषारी असतात आणि काही विषारी नसतात. श्रावण महिन्यातील पहिला सण म्हणजे नागपंचमी. या दिवशी अनेक जण सापांची पूजा करतात. श्रावण महिना शिवाची उपासना करण्यासाठी सर्वोत्तम मानला गेल्यामुळे नागपंचमी आणि नागपूजेला विशेष महत्त्व प्राप्त होते. अनेक लोकांना सापाविषयीच्या गूढ रहस्यमयी कथा जाणून घ्यायला फार आवडत असतात. तर आज आम्ही तुम्हाला अशीच काही माहिती देणार आहोत. आपल्याला सापाचे कान दिसत नाही, मग ते कसे ऐकतात? याचा कधी तुम्ही विचार केलाय का? जाणून घेऊयात याबाबत सविस्तर माहिती. सापांचे कान सामान्य प्राण्यांसारखे नसतात. सापांना बाहेरून स्पष्टपणे न दिसणारे शरीराच्या अंतर्गत कान असतात. शास्त्रज्ञांच्या माहितीनुसार, साप बहिरे नसतात. पण त्यांची ऐकण्याची क्षमता इतर शारीरिक अवयव जसं की नाक आणि डोळ्यांमुळे कमी होते. सापांच्या शरीरात एक छोटेसे हाड असते. हे हाड जबड्याच्या हाडाला कानाच्या अंतर्गत भागासोबत जोडते. कोणत्याही ध्वनीचे आकलन सापांना त्यांच्या त्वचेच्या माध्यमातून होते. सापांच्या अंतर्गत कानांच्या माध्यमातून साप आवाज ऐकू शकतात. आंतरीक कान असल्यामुळे सापांची ऐकण्याची क्षमता फारच कमी असते. ते २०० ते ३०० हट्सचे आवाज ऐकू शकतात. साप आपली जीभ बाहेर काढून हवेत एकडे-तिकडे फिरवतात. पण या जिभेचं काम काय असतं, माहिती आहे का? साप जीभेने वास घेतात. त्यामुळे ते जीभ बाहेर काढून आसपासच्या प्राण्यांचा अंदाज घेत असतात. हालचाल होत असल्यास त्यांच्या कंपनातूनही ते सभोवताली कोणी असल्याचे जाणून घेतात. वरील सर्व माहिती प्राप्त माहितीवर आधारित आहे. (फोटो सौजन्य: संग्रहित छायाचित्र)