दिवाळीत अवतरला शिवकाळ! डोंबिवलीतील मंडळांच्या किल्ल्यांचे फोटो पाहून जागवा इतिहासातील शिवस्मृती

मोठ्यांची दिवाळी फराळाशिवाय आणि लहानग्यांची दिवाळी किल्ल्यांशिवाय पूर्ण होत नाही, असं म्हणतात. सध्या असेच काही किल्ले डोंबिवलीमधील मंडळांनी बनवले आहेत, ते पाहूया. जाणता राजा युवा प्रतिष्ठान गावदेवी मंदिर डोंबिवली पश्चिम यांनी यंदाच्या दिवाळीला रायगडाची भव्य प्रतिकृती तयार केली आहे. दिवाळीची सुट्टीत मंडळातील अनेक मुलं किल्ले बनवतात. ड्रोन कॅमेऱ्यांद्वारे रायगड किल्ल्याचा काढलेला फोटो. दत्तनगर बॉईज ग्रुपने खंडेरी-उंदेरी, पद्मदुर्ग आणि जंजीरा या किल्यांची प्रतिकृती तयार केली आहे. महाराष्ट्राला गडकिल्ल्यांचा मोठा इतिहास आहे. आपल्या पुवर्जांच्या पराक्रमाचा वारसाही लाभलेला आहे. गडकिल्ल्यांचा इतिहास सर्वांना माहिती व्हावा यासाठी त्यांनी भव्य शस्त्र आणि छायाचित्र प्रदर्शन देखील भरवले आहे. अरुण निवास मित्र मंडळ डोबिंवली पश्चिम यांनी देवगिरी किल्याची भव्य प्रतिकृती तयार केली आहे. अरुण निवास मित्र मंडळ २००८ पासून विविध किल्ले बनवते. त्यांच्या किल्ल्यांना आजपर्यंत अनेक मोठमोठी बक्षिस मिळाली आहेत. मागील ३ वर्षात त्यांनी पद्मदुर्ग, लोहगड, पन्हाळा-विशाळगड मार्गे पावनखिंड असे किल्ले बनवले होते.