Merry Christmas 2023: ‘या’ ७ देशांमध्ये ख्रिसमस साजरा करण्याच्या आहेत वेगळ्या अन् अनोख्या परंपरा

दरवर्षी 25 डिसेंबर रोजी जगभरात ख्रिसमस मोठ्या थाटामाटात साजरा केला जातो. मात्र, सर्वत्र या सणाशी संबंधित विविध परंपरा आहेत. आज आम्ही तुम्हाला जगभरात ख्रिसमसनिमित्त साजऱ्या होणाऱ्या अनोख्.ा परंपरांबद्दल सांगणार आहोत. नॉर्वे नाताळच्या निमित्ताने नॉर्वेजियन लोक त्यांच्या घरात झाडू लपवतात. तिथल्या लोकांचा असा विश्वास आहे की, ख्रिसमसच्या दिवशी वाईट आत्मा आणि चेटकिणी उडण्यासाठी झाडूच्या शोधात येतात. दुष्ट आत्म्यांना पृथ्वीवर परत येण्यापासून रोखण्यासाठी ते झाडू लपवतात. आइसलँड आइसलँडमध्ये ख्रिसमसच्या एक दिवस आधी, तिथली मुले त्यांचे बूट सुंदरपणे सजवतात, खिडकीजवळ ठेवतात आणि झोपायला जातात. ज्या मुलांनी वर्षभर चांगले काम केले आहे त्यांचे पालक त्यांचे शूज कँडीने भरून आश्चर्यचकित करतात. त्याच बरोबर वर्षभर वाईट वागणाऱ्या मुलांना नवीन वर्षात शूजमध्ये सडलेल्या बटाटे भरून देतात आणि चांगले काम करण्यासाठी प्रोत्साहन दिले जाते. कॅनडा कॅनडामध्ये मुले ख्रिसमसच्या दिवशी सांताक्लॉजला पत्रे पाठवतात. सांताक्लॉजचे घर कॅनडात आहे, त्यामुळे मुले त्याला पोस्टाद्वारे पत्र लिहितात आणि नंतर त्याच्या उत्तराची वाट पाहत असल्याचे सांगितले जाते. युक्रेन ख्रिसमसच्या निमित्ताने युक्रेनमधील लोक सजावटीच्या वस्तूंऐवजी ख्रिसमसच्या झाडाला कोळ्याच्या जाळ्यांनी सजवतात. खरं तर, त्यांचा असा विश्वास आहे की, अशा प्रकारे झाडाची सजावट केल्याने त्यांच्या घरात आणि जीवनात आनंद आणि चांगल्या गोष्टी येतील. पोलंड पोलंडमधील मुले ख्रिसमसच्या पूर्वसंध्येला आकाशातील पहिला तारा पाहण्यासाठी प्रतीक्षा करतात. तारा पाहिल्यानंतर ते त्यांच्या भेटवस्तू उघडतात. जेव्हा आकाशात पहिला तारा दिसतो तेव्हा त्याला मार्गदर्शक तारा म्हणतात, याचा अर्थ असा की, सर्व भेटवस्तू आता उघडल्या जाऊ शकतात. फिनलंड फिनलंडमध्ये ख्रिसमसच्या दिवशी सकाळी पुडिंग खाण्याची परंपरा आहे. सकाळी, लोक तांदूळ आणि दुधापासून बनवलेले पुडिंग दालचिनी, दूध किंवा लोणीसह खातात. या पुडिंगमध्ये बदाम लपलेले असतात आणि ज्याला बदाम आधी सापडतो तो जिंकतो. पोर्तुगाल पोर्तुगालमध्ये ख्रिसमसच्या दिवशी पहाटे कॉन्सोडा नावाची मेजवानी असते. त्यात, लोक मरण पावलेल्या त्यांच्या कुटुंबातील सदस्यांसाठी टेबलवर अन्न ठेवतात. (फोटो स्त्रोत: पेक्सेल्स)