Maha Kumbh Mela 2025: प्रयागराज येथील महाकुंभमेळ्यात व्हायरल झालेल्या मोनालिसाबद्दलच्या ‘या’ गोष्टी माहिती आहेत का?

भारतीय संस्कृतीत महाकुंभमेळ्याला (Maha Kumbh Mela) अनन्यसाधारण महत्त्व आहे. उत्तर प्रदेशातील (Uttar Pradesh) प्रयागराज (Prayagraj) येथील २०२५चा हा महाकुंभ मेळा खूप खास असल्याचे म्हटले जात आहे. कारण दर १२ वर्षांनी होणारा हा कुंभमेळा १४४ वर्षांनंतर खास संयोग निर्माण करत आहे. हा कुंभमेळा १३ जानेवारीपासून ते २६ फेब्रुवारीपर्यंत असल्याचे म्हटले जात आहे. महाकुंभ मेळ्यात माळा विकणारी सुंदर मुलगी सोशल मीडियावर मोठ्या प्रमाणात व्हायरल झाली होती. या व्हिडीओमधील मुलीचे डोळे घारे असून तिने काजळ लावले होते. या मुलीचं नाव मोनालिसा भोसले (Monalisa Bhosle) असे आहे. मोनालिसा मुळची मध्य प्रदेशमधील (Madhya Pradesh Indore) इंदूरची रहिवाशी आहे. मोनालिसा इन्स्टाग्रामवर सक्रिय असून तिने फोटो आणि रील व्हिडीओ शेअर केले आहेत. महाकुंभ मेळ्यात मोनालिसाच्या मागे वृद्धांपासून तरुणांपर्यंत तिच्याबरोबर फोटो काढण्यासाठी गर्दी झाली होती. नुकत्याच हाती आलेल्या माहितीनुसार मोनालिसाला तिच्या वडिलांनी इंदूरला पाठवले आहे. महाकुंभ मेळ्यात माळा विक्री होत नसून मोनालिसाला मानसिक त्रास होत असल्याचे म्हटले जात आहे. (सर्व फोटो सौजन्य : मोनालिसा भोसले/इन्स्टाग्राम) (हेही पाहा : तितीक्षा तावडेचं लग्नानंतरचं पहिलं हळदी कुंकू; हलव्याच्या दागिन्यातील सौंदर्यची चर्चा)