Photos : पॅरीसमध्ये पंतप्रधान नरेंद्र मोदींचे जंगी स्वागत; AI शिखर परिषदेला करणार संबोधित!

देशाचे पंतप्रधान नरेंद्र मोदी सध्या परदेश दौऱ्यावर आहेत. आज म्हणजेच ११ फेब्रुवारी रोजी ते फ्रान्सच्या पॅरीसमध्ये आयोजित AI शिखर परिषदेला संबोधित करणार आहेत. एआय शिखर परिषद २०२५ (AI Action Summit 2025) चे सह-अध्यक्ष म्हणून ते हजर आहेत. दरम्यान, फ्रान्समध्ये पंतप्रधानांचं स्वागत करण्यात आलं. प्रोटोकॉलनुसार पंतप्रधानांना फ्रान्समध्ये स्वागतानंतर सैनिकांकडून सन्मान सलामी देण्यात आली. दरम्यान यावेळी फ्रान्सचे राष्ट्राध्यक्ष इमॅन्युएल मॅक्रॉन यांनी पंतप्रधान नरेंद्र मोदी यांची भेट घेतली तो क्षण यावेळी दोन्ही नेत्यांनी एकमेकांना अलिंगन दिले. फ्रान्समध्ये मोदींना पाहून तेथील भारतीयांनी पारंपरिक पद्धतीने त्यांचे स्वागत केल्याचे पाहायला मिळाले. 'भारत माता की जय, वंदे मातरम" अशा घोषणांनी फ्रान्समधील परिसर दुमदुमला. दरम्यान या दौऱ्यामध्ये पंतप्रधान नरेंद्र मोदी अमेरिकेला जाणार आहेत. तिथे राष्ट्राध्यक्ष डोनाल्ड ट्रम्प यांची ते भेट घेणार आहेत. या भेटीकडे सबंध जगाचं लक्ष लागून आहे. (सर्व फोटो नरेंद्र मोदी/सोशल मीडिया) हेही पाहा- Mahakumbh 2025: भाविकांच्या अफाट गर्दीनं प्रयागराज ठप्प; अन्न पाण्याविना लोक तासनतास रस्त्यावर अडकले, पाहा फोटो