Photos: वैष्णवी हगवणेला त्रास देणारी नणंद करिष्मा हगवणे आहे तरी कोण? पवार कुटुंबीयांबरोबरचे फोटो व्हायरल

Vaishnavi Hagawane Death Case News: पुण्यातील मुळशी तालुक्यातील वैष्णवी शशांक हगवणे आत्महत्याप्रकरणी महाराष्ट्रात हळहळ व्यक्त केली जात आहे. २३ वर्षीय वैष्णवी हगवणेने (Vaishnavi Hagawane) १६ मे २०२५ रोजी घरात गळफास घेऊन आत्महत्या केली. वैष्णवी हगवणे राष्ट्रवादी काँग्रेसचे (अजित पवार) नेते राजेंद्र हगवणे (Rajendra Hagwane) यांची सून होती. वैष्णवी हगवणेच्या प्रकरणानंतर राष्ट्रवादी काँग्रेस पक्षाने (NCP Ajit Pawar) राजेंद्र हगवणे यांची हकालपट्टी केली आहे. लग्नाच्या वेळी वैष्णवीला तिच्या घरच्यांनी ५१ तोळे सोने, एक फॉर्च्युनर कार आणि इतर महागड्या वस्तू दिल्या होत्या. वैष्णवीच्या वडिलांनी दिलेल्या तक्रारीनुसार (FIR), सासरच्या मंडळींनी हुंड्यासाठी तिचा मानसिक आणि शारीरिक छळ केला. या प्रकरणात पती शशांक हगवणे (Shashank Hagawane), सासू लता हगवणे (Lata Hagawane) आणि नणंद करिश्मा हगवणे, सासरे राजेंद्र हगवणे आणि दीर सुशील हगवणे (Sushil Hagawane) यांना पोलिसांनी अटक केली आहे. नणंद करिष्मा हगवणेने तिला त्रास दिल्याचा आरोप वैष्णवीच्या माहेरच्यांनी केला आहे. करिष्मा हगवणे (Karishma Hagawane) ही फॅशन डिझायनर आहे. पुण्यातील कोथरूड (Kothrud) येथे करिष्मा हगवणेचे कपड्यांचे दुकान आहे. राज्यसभा खासदार व अजित पवार यांच्या पत्नी सुनेत्रा पवार (NCP Rajya Sabha MP Sunetra Pawar) करिष्मा हगवणेच्या दुकानाच्या उद्घाटनला गेल्या होत्या. करिष्मा हगवणेने इन्स्टाग्रामवर राष्ट्रवादी काँग्रेसचे अध्यक्ष शरद पवार (NCP-SP Chief Sharad Pawar) यांच्या कार्यालयातील फोटो शेअर केला आहे. खासदार सुप्रिया सुळे (NCP-SP MP Supriya Sule) यांच्याबरोबरचा फोटो करिष्मा हगवणेने शेअर केला आहे. महिला व बालकल्याण मंत्री अदिती तटकरे (Aditi Tatkare) यांच्याबरोबर करिष्मा हगवणेचा फोटो शिवसेना ठाकरे गटाच्या उपनेत्या सुषमा अंधारे यांनी शेअर केला आहे. (सर्व फोटो सौजन्य : करिष्मा हगवणे/इन्स्टाग्राम) (हेही पाहा : घरच्यांच्या विरोधात जाऊन लग्न, भरमसाठ हुंडा; वैष्णवी हगवणेच्या लग्नाचे फोटो आले समोर...)