Photos: गुलाबी बनारसी साडीत खुललं युगेंद्र पवार यांच्या होणाऱ्या पत्नीचं सौंदर्य

राष्ट्रवादी काँग्रेस (शरद पवार) पक्षाचे युवा नेते आणि शरद पवार (Sharad Pawar) यांचे नातू युगेंद्र पवार यांचा ३ ऑगस्ट रोजी तनिष्का कुलकर्णी यांच्यासोबत मुंबईत साखरपुडा पार पडला. या साखरपुडा समारंभात तनिष्का कुलकर्णी यांनी परिधान केलेली गुलाबी रंगाची पारंपरिक बनारसी साडी लक्षवेधी ठरली. साडीवर सोनसळी आणि रुपेरी भरझरी काम, तसेच छोट्या-छोट्या बुट्यांनी सजवलेला बारीक नक्षीकामाचा भरजरी पोत साडीला खास उठाव देतो. तनिष्का कुलकर्णी यांच्या सौंदर्यप्रसाधनात दिलेला ऐवज खूप सूक्ष्म होता. केस मोकळे ठेवून सॉफ्ट कलर्स दिले गेले असून, चेहऱ्यावर अत्यंत हलकासा मेकअप, पीच ब्लश, नाजूक गुलाबी लिपस्टिक आणि टोकदार आयलाइनरचा वापर करण्यात आला आहे. कपाळावरच्या छोटीश्या गुलाबी टिकलीमुळे त्या खूपच सुंदर दिसत आहेत. तनिष्का कुलकर्णी यांचा लूक सोज्वळ आणि आकर्षक वाटतो. (सर्व फोटो सौजन्य : makeupbyaanchal/इन्स्टाग्राम)