हिंदू धर्मासाठी योगदान देणाऱ्यांचा शिवजयंतीदिनी पुरस्काराने सन्मान, हिंदू एकता आंदोलन कराड शाखेचा उपक्रम

त्यांच्या या कृतिशील कार्याच्या गौरवार्थ ‘हिंदू एकता आंदोलन’तर्फे त्याना ‘हिंदू धर्मयोद्धा’ पुरस्कार जाहीर करण्यात आला आहे. कुमारी शर्विका जितेन म्हात्रे यांनी वयाच्या तिसऱ्या ते सहाव्या अशा तीन वर्षांच्या काळात महाराष्ट्रातील सर्वांत उंच कळसूबाई शिखर, नाशिक जिल्ह्यातील कठीण असा साल्हेर गिरिदुर्ग, गुजरातमधील गिरनार शिखर आणि महाराष्ट्रातील तब्बल १४० गड-किल्ले यशस्वीपणे सर केल्याबद्धल ‘हिंदू धर्म रणरागिणी’ पुरस्कार, तसेच आपले जीवन हिंदू धर्माच्या रक्षणासाठी व्यतित केलेले, गेली अनेक वर्षे हिंदू धर्माचा प्रसार आणि प्रचार करीत असताना हिंदू धर्म रक्षण व जागृतीसाठी कार्य करणारे, त्याचबरोबर लव्ह जिहाद, गोरक्षा यांसारख्या गंभीर विषयांवरही काम करणारे मुकुंद आफळे (सातारा) यांना हिंदू धर्म संघटक पुरस्कार जाहीर झाला आहे.

गेली अनेक वर्षे ‘शिवप्रतिष्ठान, हिन्दुस्तान’च्या माध्यमातून पदभ्रमण गडकोट मोहीम यशस्वीपणे पूर्ण करीत हिंदू धर्माचा प्रसार आणि प्रचार करणारे सागर आमले (कराड) यांना ‘हिंदू धर्मप्रचारक’ पुरस्कार जाहीर करण्यात आला आहे. सदर सन्मानार्थींना मान्यवरांच्या हस्ते बुधवारी (दि. ३०) शिवजयंतीच्या कराडमधील ऐतिहासिक दरबार मिरवणुकीच्या समारोपावेळी शहरातील शिवतीर्थ, दत्त चौक येथे पुरस्कार प्रदान करण्यात येणार असल्याचे पावसकर यांनी म्हटले आहे.