पुणे- मुंबई द्रुतगतीमार्गावर पुन्हा दरड कोसळली; वाहतूक सुरळीत!

कामशेत बोगद्याच्या तोंडाशी दरड कोसळली पुणे- मुंबई एक्सप्रेस- वेवर पुन्हा दरड कोसळल्याची घटना घडली आहे. कामशेत बोगदयाजवळ रात्री पावणे नऊ च्या सुमारास दरड कोसळली आहे. सुदैवाने यात कोणतीही जीविहितहानी झालेली नाही. एक्सप्रेस- वेवरील कामशेत बोगद्याच्या तोंडाशी असलेली दरड कोसळल्याने मुंबईच्या दिशेने जाणारी वाहतूक विस्कळीत झाली होती. घटनेची माहिती समजताच आयआरबीचे पथक दरड कोसळलेल्या ठिकाणी दाखल झाले आहे. माती आणि दगड बाजूला करण्याचे काम सुरू आहे. मुंबई च्या दिशेने वाहतुक सुरू आहे. रविवारी रात्री साडेदहा च्या सुमारास आडोशी बोगद्या जवळ दरड कोसळल्याची घटना ताजी असताना आता पुन्हा एकदा एक्सप्रेस- वेवर दरड कोसळली आहे.