पिंपरी : इंटरनेटचा गैरवापर करून महिलेची १० लाखांची फसवणूक

सांगवी पोलिसांनी गुन्हा दाखल केला आहे

Cyber Crime new
(प्रातिनिधिक छायाचित्र)

वीज कंपनीची देयके भरायची आहेत, असे सांगून मोबाईल अद्ययावत करायला लावून इंटरनेटचा गैरवापर करून एका महिलेची १० लाखांची फसवणूक करण्यात आली आहे. याप्रकरणी सांगवी पोलिसांनी गुन्हा दाखल केला आहे. सांगवीतील ५३ वर्षीय महिलेने याप्रकरणी पोलिसांकडे तक्रार नोंदवली आहे.

अज्ञात व्यक्तीने मोबाईलवरून या महिलेशी संपर्क साधला. वीज कंपनीची देयके भरायची आहेत. त्यासाठी मोबाईल अद्ययावत करायचा आहे. त्याकरिता क्विक सपोर्ट ॲप आणि एनी डेस्क ॲप डाऊनलोड करण्यास सांगितले. महिलेने तसे केल्यानंतर आरोपीने तिचा मोबाईल स्क्रीन शेअर करून इंटरनेटचा वापर करून महिलेच्या बँकेच्या खात्यातून १० लाख ३० हजार रूपये स्वत:कडे वळते करून घेतले. या प्रकरणी पोलिसांनी गुन्हा दाखल केला असून आरोपीचा शोध सुरू आहे. पोलीस निरीक्षक सुनील तांबे पुढील तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pimpri woman cheated of rs 10 lakh by misusing internet pune print news msr

Next Story
संजय गांधी निराधार योजनेच्या जाचक अटी रद्द करण्यासाठी काँग्रेसची निदर्शने
ताज्या बातम्या
फोटो गॅलरी