आवक वाढल्याने मिरची, शेवगा,भुईमूग शेंग, कैरीच्या दरात घट

पुणे विभागातून सातारी आले ५५० ते ६०० गोणी, भेंडी ७ ते ८ टेम्पो, गवार ३ ते ४ टेम्पो, टोमॅटो ८ ते १० हजार पेटी, हिरवी मिरची ४ ते ५ टेम्पो, ढोबळी मिरची ८ ते १० टेम्पो, काकडी ७ ते ८ टेम्पो, कोबी ५ ते ६ टेम्पो, फ्लाॅवर ८ ते १० टेम्पो, तांबडा भोपळा ८ ते १० टेम्पो, कांदा ५० ते ५५ ट्रक, तसेच इंदूर, आग्रा, स्थानिक भागातून बटाट्याची आवक झाली.

मेथी, शेपूच्या दरात वाढ

मेथी, शेपूच्या दरात गेल्या आठवड्याच्या तुलनेत वाढ झाली. कांदापात, अंबाडीच्या दरात घट झाली. चाकवत, पुदिना, मुळे, चुका, राजगिरा, चुका, चवळई, पालक या पालेभाज्यांचे दर स्थिर आहेत. तरकारी विभागात कोथिंबीर एक लाख २५ हजार जुडी, मेथीच्या ५० हजार जुडींची आवक झाली, अशी माहिती तरकारी विभागातील व्यापाऱ्यांनी दिली. घाऊक बाजारात पालेभाज्यांचे शेकड्याचे दर पुढीलप्रमाणे – कोथिंबीर- ५०० ते १२००, मेथी – १२०० ते १५००, शेपू – ८०० ते १०००, कांदापात- ६०० ते १०००, चाकवत – ४०० ते ६००, करडई- ३०० ते ६००, पुदिना – ३०० ते ५००, अंबाडी – ४०० ते ५००, मुळे – ८०० ते १२००, राजगिरा- ४०० ते ६००, चुका – ५०० ते ८००, चवळई- ३००-६००, पालक- ८००- १२००

खरबूज, चिकूच्या दरात घट

खरबूज, चिकूच्या दरात घट झाली आहे. संत्री, पपईच्या दरात वाढ झाली. लिंबू, अननस, डाळिंब, कलिंगड, मोसंबी, पेरूचे दर स्थिर असल्याची माहिती व्यापाऱ्यांनी दिली. फळबाजारात रविवारी मोसंबी ३० ते ४० टन, संत्री २० ते ३०टन, डाळिंब २५ ते ३० टन, पपई ९ ते १० टेम्पो, लिंबे दीड ते दोन हजार गोणी, कलिंगड ३० ते ४० टेम्पो, खरबूज ४० ते ५० टेम्पो, चिकू दोन हजार खोकी, पेरू २५० ते ३०० प्लास्टिक जाळी (क्रेट), अननस ८ ट्रक अशी आवक झाली.