पुणे : गणित आणि विज्ञान हे विषय शिकवण्यासाठीच्या प्रभावी अध्यापन कौशल्ये विकसनासाठी राज्यातील शिक्षकांना आयराइज उपक्रमाअंतर्गत प्रशिक्षित करण्यात येत आहे. राज्यभरातील ३४३ शिक्षकांचा या प्रशिक्षणात समावेश असून, या शिक्षकांच्या माध्यमातून राज्यभरातील जिल्ह्यांमध्ये इनोव्हेशन चॅम्पियन घडवण्याचे उद्दिष्ट आहे.

या बातमीसह सर्व प्रीमियम कंटेंट वाचण्यासाठी साइन-इन करा

राज्य शैक्षणिक संशोधन आणि प्रशिक्षण परिषद (एससीईआरटी), भारतीय विज्ञान शिक्षण आणि संशोधन संस्था (आयसर पुणे) यांच्यातर्फे सहावी ते दहावीच्या गणित आणि विज्ञान शिक्षकांसाठी दहा दिवसांचे अध्यापन प्रशिक्षण सुरू करण्यात आले आहे. आयसर पुणेचे संचालक डॉ. जयंत उदगावकर, यशदाचे संचालक विशाल सोळंकी, आयराइजच्या मुख्य तांत्रिक अधिकारी शांती पिसे, समन्वयक डॉ. सौरभ दुबे, एससीईआरटीचे उपसंचालक विकास गरड, तेजस्विनी आळवेकर, मनीषा साठे आदी या वेळी उपस्थित होते. केंद्र सरकारच्या अखत्यारितील विज्ञान तंत्रज्ञान विभाग, ब्रिटिश कौन्सिल, रॉयल सोसायटी ऑफ केमिस्ट्री, टाटा टेक्नॉलॉजीज यांच्या सहकार्याने आयसर पुणेतर्फे आयसराइज हा उपक्रम राबवला जात आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Teachers to get training for teaching skills development zws
First published on: 20-05-2022 at 03:38 IST