कोंढव्यातील एनआयबीएम रस्त्यावर इशरत बाग परिसरात भरधाव बसचे ब्रेक निकामी होऊन बसने पाच ते सहा वाहनांना धडक दिल्याची घटना घडली. या अपघातात दोघांचा मृत्यू झाला असून दोघे जण गंभीर जखमी झाले.
एनआयबीएम रस्त्यावर इशरत बाग परिसरात रविवारी रात्री साडेआठच्या सुमारास एका खासगी बसचे ब्रेक निकामी झाले. त्यानंतर त्या बसने पाच ते सहा वाहनांना धडक दिली. अपघातात दोघांचा जागीच मृत्यू झाला असून दोघे जण गंभीर जखमी झाले. जखमींना तातडीने रुग्णालयात दाखल करण्यात आले. या घटनेची माहिती मिळताच कोंढवा पोलिसांनी घटनास्थळी धाव घेतली.
अपघातात मृत्युमुखी पडलेल्यांची नावे रात्री उशीरापर्यंत समजू शकली नाही. या प्रकरणी कोंढवा पोलिस अधिक तपास करत आहेत.