रविवार म्हणजे नॉन व्हेज असं समीकरण बहुतांश मराठी घरांमध्ये पाहायला मिळते. काहीजणांकडे तर रविवारी ठरवून नॉन व्हेज खाल्ले जाते. रविवारच्या दिवशी सुट्टी असल्यामुळे घरामध्ये सर्वजण असतात. अशा वेळी आराम करायच्या दिवशी चमचमीत काहीतरी खायला मिळालं तर किती बरं होईल असं प्रत्येकाला वाटत असते.प्रत्येक सन्डेला चिकन,मटण खाऊन कंटाळा येतो, तेव्हा पटकन होणारा पदार्थ करावा असे वाटते. गावरान रेसिपी म्हटलं की झटपट तयार होणाऱ्या झणझणीत व साध्या सोप्या रेसिपी असतात. याच्या वासानेच तोंडाला पाणी सुटते आणि चार घास जास्तीचे जेवण जाते. अशा मस्त गावरान खर्डा मच्छीची रेसिपी तुम्हाला नक्की आवडेल.
गावरान खर्डा मांदेली साहित्य
२५-३० मोठ्या आकाराची मांदेली
४ हिरव्या मिरच्या
१ वाटी हिरवीगार ताजी कोथंबीर
२ चमचे ओलं खोबरं
८ लसूण पाकळ्या
१ इंच आल्याचा तुकडा
२ चमचे चिंचेचा कोळ
१ तुमचा तिरफळं
२ चमचे तेल
मीठ चवीनुसार
२ कांदे बारीक चिरून
१/२ चमचा हळद
१ चमचा लाल मिरची पावडर
गावरान खर्डा मांदेली कृती
१. प्रथम बाजारातून आणलेली मांदेली काढून आणि साफ करून मीठ लावून दहा मिनिटे ठेवावीत.
२. कोथिंबीर, मिरच्या,लसूण,आलं आणि खोबरं व चिंच हे सर्व मिक्सरमध्ये जाडसर वाटून घ्यावे. पाटा असल्यास पाट्यावर वाटलं तर आणखीन जास्त चव येते. सर्वात शेवटी त्यात भिजत घातलेली त्रीफळा एकदा फिरवून घ्यावीत.
३. कढईत तेल घालून बारीक चिरलेला कांदा गुलाबी रंगावर परतून नंतर वाटलेलं हिरवं वाटण खमंग वास येईपर्यंत परतून घ्यावे. व नंतर त्यात हळद आणि मिरची घालून तेल सुटेपर्यंत परतून घ्यावे आणि नंतर शेवटी मांदेली व मीठ घालावी. हलक्या हाताने सर्व परतून घ्यावे.
हेही वाचा >> खानदेशी पद्धतीने करा ‘खानदेशी वांग्याचं भरीत पुरी’; भाजी बनवायचा कंटाळा आला तर ५ मिनिटांत बनवा ही रेसिपी
४. दोन मिनिटं झाकून ठेवावे आणि गरमागरम तांदळाच्या भाकरी बरोबर सर्व्ह करावे.