देशात बहुप्रतिक्षित अशा 5G नेटवर्कला सुरुवात झाली आहे. जीओ आणि एअरटेल या दोन्ही कंपन्यांनी आपल्या 5G सेवेची घोषणा केली आहे. जीओने सुरुवातीला चार शहरांमध्ये आपली सेवा सुरु केली आहे. यामध्ये दिल्ली, मुंबई, कोलकाता आणि वाराणसी या शहरांचा समावेश आहे. या शहरांमध्ये ग्राहकांना जीओ 5G चा अनुभव मिळत आहे. कंपनी आपली 5G सेवा वापरण्यासाठी वेलकम ऑफरदेखील देत आहे. या अंतर्गत युजर्सना 1GBps च्या स्पीडने अनलिमिटेड डेटा मिळत आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

गेल्या आठवड्यात इंडिया मोबाईल काँग्रेस २०२२ या कार्यक्रमात, रिलायन्स इंडस्ट्रीजचे अध्यक्ष मुकेश अंबानी यांनी पुष्टी केली की, पॅन इंडिया जीओ सेवा २०२३ डिसेंबरपर्यंत रोलआउट होईल. तर Airtel ने म्हटले आहे की मार्च २०२४ पर्यंत त्यांची 5G सेवा देशाच्या कानाकोपऱ्यात पोहोचेल.जीओने पात्र वापरकर्त्यांसाठी वेलकम ऑफरची घोषणा केली. आता हे पात्र वापरकर्ते कोण आहेत व ही वेलकम ऑफर कशी मिळविता येईल, जाणून घेऊया सविस्तर…

आणखी वाचा : ‘हा’ आहे जिओचा सर्वात स्वस्त रिचार्ज प्लॅन! किंमत जाणून घ्या

जीओ वेलकम ऑफरचे आमंत्रण कसे मिळवायचे?

जीओने आमंत्रण कसे कार्य करते याबद्दल बरेच तपशील उघड केले नसले तरी, TelecomTalk कडून येणारा अहवाल सूचित करतो की, वेलकम ऑफर आमंत्रण MyJio अॅपवर दिसेल. जीओ निवडक युजर्सना 5G सेवेचा अनुभव घेण्यासाठी आमंत्रणे पाठवत आहे. तुम्हाला हे आमंत्रण My Jio अॅपवर मिळेल. यासाठी तुम्हाला My Jio अॅपवर जावे लागेल आणि तुम्हाला आमंत्रण आले की नाही, हे नोटिफिकेशमध्ये तपासावे लागेल.

तसे, तुम्हाला My Jio अॅपवर त्याचे आमंत्रण होमपेजवरच दिसेल. कंपनीने या आमंत्रणावर एक अटही ठेवली आहे. ज्याची माहिती ऑफरमध्ये देण्यात आलेली नाही. जीओ 5G सेवेचा अनुभव फक्त अशा ग्राहकांचा मिळेल, ज्यांनी किमान २३९ रुपयांचा रिचार्ज केला आहे. म्हणजेच वेलकम ऑफरचा लाभ फक्त अशा ग्राहकांना मिळेल, ज्यांच्या फोनवर २३९ रुपये किंवा त्याहून अधिक रिचार्ज असेल.

कंपनीने सांगितल्याप्रमाणे, पोस्टपेड आणि प्रीपेड दोन्ही ग्राहकांना जिओ 5G चा लाभ मिळेल, जर त्यांनी रुपये २३९ किंवा त्यापेक्षा जास्त रिचार्ज केले असेल. टेलिकाॅम रिपोर्टनुसार, जर तुमच्या फोनमध्ये यापेक्षा कमी रिचार्ज असेल तर तुम्ही जीओ वापरु शकणार नाही. या ब्रॅंड्सवर उपलब्ध असलेली सेवा जीओने दस-याच्या मुहूर्तावर चार शहरांमध्ये सुरु केली आहे.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Customers can avail jio 5g service only after this recharge pdb