कठीण धडा सोप्या शब्दांमध्ये... OTP शेअर करणं कसं महागात पडू शकतं सांगणारं मुंबई पोलिसांचं हे Reel पाहाच | Loksatta

कठीण धडा सोप्या शब्दांमध्ये… OTP शेअर करणं कसं महागात पडू शकतं सांगणारं मुंबई पोलिसांचं हे Reel पाहाच

नागरिकांना खबरदारी घेण्याचं आवाहन मुंबई पोलिसांनी केलं आहे, कारण…

कठीण धडा सोप्या शब्दांमध्ये… OTP शेअर करणं कसं महागात पडू शकतं सांगणारं मुंबई पोलिसांचं हे Reel पाहाच
मुंबई पोलिसांनी नागरिकांना सतर्क राहण्याचं आवाहन केलं आहे. (image-Instagram)

दिवसेंदिवस सायबर क्राईमच्या घटना वाढत असून ऑनलाईन व्यवहारांच्या माध्यमातून लाखो रुपयांना गंडा घातला जात आहे. इंटरनेट बॅंकिंगद्वारे पैशांचं व्यवहार करणं काहींना चांगलंच महागात पडलं आहे. अशा प्रकारच्या फसवणुकीच्या अनेक घटना उघडकीस आल्या आहेत. नागरिकांची फसवणूक होऊ नये, यासाठी पोलिसांकडून योग्य ती खबरदारी घेण्याचं आवाहन लोकांना करण्यात येत आहे. पैशांचे व्यवहार ऑनलाईद्वारे करण्यासाठी सर्वात महत्वाचा असणारा ओटीपी शेअर करताना सर्वांनी विशेष काळजी घेतली पाहिजे. असा संदेश देणारा एक व्हिडीओ मुंबई पोलिसांनी त्यांच्या इन्स्टाग्रामच्या अधिकृत अकाउंटवर शेअर केला आहे.

अनोळखी व्यक्तींना ओटीपी शेअर न करण्याच्या सूचना मुंबई पोलिसांकडून नागरिकांना सातत्याने देण्यात येत आहेत. तसंच सोशल मीडियावरही याबाबत जनजागृती करून नागरिकांना खबरदारी घेण्याचं आवाहन पोलिसांकडून करण्यात येतं. मुंबई पोलिसांनी नुकतंच इन्स्टाग्राम पेजवर एक व्हिडीओ शेअर केला आहे. नागरिकांनी फसवणूक होण्यापासून कसं सावधं राहावं, याबाबत पोलिसांकडून संदेश देण्यात आला आहे.

नक्की वाचा – “Greatest Off All Time म्हणजेच GOAT”, बकऱ्यावर चढला फुटबॉल फिव्हर, Viral Video पाहून नेटिझन्स म्हणाले, ‘भावा याला तर FIFA ला पाठवा’

इथे पाहा व्हिडीओ

दोन व्यक्ती एकमेकांसमोर उभे राहून ओटीपीबाबत सावधानतेचा इशारा देत असल्याचं या व्हिडीओमध्ये दिसत आहे. “Scammers asking you for OTP” अशाप्रकारचा मेसेज एकाच्या बाजूला दाखवण्यात आला आहे. तर दुसरीकडे “You giving scammers your OTP.”अशा प्रकारचा मेसेज दिला आहे. दरम्यान, दोघंही या मेसेजला स्पष्टपणे नकार देताना या व्हिडीओमध्ये दिसतात. नागरिकांनी त्यांची वैयक्तीक माहिती आणि बॅंकेची महत्वाची माहिती कुणासोबतच शेअर करु नये, असं आवाहन मुंबई पोलिसांकडून करण्यात आलं आहे.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-11-2022 at 14:18 IST
Next Story
कमाई होईल आणि कौशल्यही दिसेल; जिओच्या शॉर्ट व्हिडिओ अ‍ॅपमध्ये काय आहे खास? जाणून घ्या