कळवा येथील खारेगाव भागात रस्त्याचा काही भाग खचल्याचा प्रकार बुधवारी रात्री उघडकीस आला. या घटनेनंतर महापालिका प्रशासनाने खचलेल्या भागाजवळ अडथळे बसविले आहेत. या मार्गिकेवरील एक वाहिनी सुरू ठेवण्यात आल्याचे पोलिसांनी सांगितले.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा- त्या’ दोन शौचालयांच्या कंत्राटदारांवर दंडात्मक कारवाई करा; ठाणे महापालिका आयुक्तांचे कोपरी दौऱ्यादरम्यान आदेश

कळव्याहून खारेगाव, मुंब्रा येथे जाण्यासाठी हजारो नागरिक कळवा खारेगाव मार्गाचा वापर करतात. बुधवारी रात्री या रस्त्याचा काही भाग अचानक खचला. त्यामुळे एक मोठा खड्डा या रस्त्यावर पडला आहे. या घटनेची माहिती आपत्ती व्यवस्थापन विभागाला मिळाल्यानंतर महापालिका प्रशासनाने खचलेल्या भागाजवळ अडथळे बसविले आहेत. वाहतूक पोलिसांनी येथील एक वाहिनी सुरू ठेवली आहे, अशी माहिती पोलिसांनी दिली.

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: The road was paved in kalva thane news dpj