Desi Jugaad Video : सोशल मीडियावर कधी काय व्हायरल होईल ते काही सांगता येत नाही. पण, काही व्हायरल गोष्टी लोकांचे लक्ष लगेच वेधून घेतात. विशेषत: रोजच्या जीवनाशी निगडित गोष्टी पाहण्यात अनेकांना रस असतो. आता हा व्हिडीओच पाहा ना, ज्यात एक तरुणी ऑनलाइन मुलाखतीमध्ये पास होण्यासाठी असे काही करतेय, जे पाहून लोकही चक्रावून गेले आहेत. तिने मुलाखत घेणाऱ्या परीक्षकांच्या प्रश्नांना पटापट उत्तरे देत इम्प्रेस करण्यासाठी वापरलेला जुगाड अनेकांना आवडला आहे. या ऑनलाइन मुलाखतीदरम्यान तिने एआयचा पुरेपूर वापर केला आहे. पण, तिने ही मुलाखत नेमकी कशा पद्धतीने दिली ते आपण जाणून घेऊ…

आर्काइव्हमधील सर्व बातम्या मोफत वाचण्यासाठी कृपया रजिस्टर करा

ऑनलाइन मुलाखतीदरम्यान तरुणीची चलाखी

सध्या सोशल मीडियावर व्हायरल होत असलेल्या व्हिडीओमध्ये तु्म्ही पाहू शकता की, एक तरुणी ऑनलाइन मुलाखत देण्यासाठी तिच्या कॉम्प्युटरच्या स्क्रीनसमोर बसली आहे. पण, ही ऑनलाइन मुलाखत पास होण्यासाठी तिने असा काही जुगाड शोधून काढला आहे की, तो पाहून तुम्हीही डोक्यावर हात मारून घ्याल. तरुणीने तिचा मोबाईल ऑन केला आणि तो कॉम्प्युटर सिस्टीमच्या अगदी मधोमध चिकटवला. यावेळी तिने मोबाईलवर एआयदेखील चालू केले आहे. त्यामुळे मुलाखत घेणारा कोणताही प्रश्न विचारतो तेव्हा त्याचे उत्तर AI कडून मिळत आहे, जे वाचून ती समोरच्या व्यक्तीला उत्तर देते आहे. तरुणीचा मुलाखतीदरम्यानचा हा जुगाड पाहून अनेकांनी आश्चर्य व्यक्त केले आहे.

Read More Trending News : भयंकर! हातातून मोबाईल हिसकावल्याचा राग, लहान मुलाने आईच्या डोक्यात घातली बॅट; थरारक घटनेचा Video Viral

हा व्हिडीओ @TansuYegen नावाच्या एक्स अकाउंटवरून शेअर करण्यात आला आहे. व्हिडीओच्या कॅप्शनमध्ये लिहिले आहे, ‘तिने मोबाईलवर AI ऑन करून नोकरीसाठी मुलाखत दिली आणि व्यावसायिक पद्धतीने प्रश्नांची उत्तरे दिली.’ दरम्यान, या व्हिडीओवर आता युजर्सही वेगवेगळ्या प्रतिक्रिया देत आहेत. एका युजरने लिहिले आहे की, ही फसवणूक आहे. दुसऱ्या युजरने लिहिलेय की, स्मार्ट मूव्ह, मुलाखतींचे भविष्य. तिसऱ्या युजरने लिहिले आहे की, ही कंपनीची अॅसेट बनेल. कारण- दिवसाढवळ्या फसवणूक कशी करायची हे तिला माहीत आहे. शेवटी एका युजरने म्हटले की, एआय ही आमच्यासाठी मोठी समस्या आहे.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Desi jugaad video girl found a way to pass the online interview the video goes viral sjr