हिवाळा असो किंवा पावसाळा कुठल्याही ऋतूमध्ये गरमा गरम चहा प्यायची मजाच काही और असते. अनेकांची सकाळ ही चहाशिवाय होतं नाही. दर्दी चहाप्रेमींना तर चहा प्यायचा बहाणाच लागतो. भारतामध्ये पाहावं तिकडे चहाचे स्टॉल बघायला मिळतात. अगदी भारतीय रेल्वेमधून प्रवास करतानाही आपला जोर चहा पिण्यावर राहतो. पण थांबा… सध्या सोशल मीडियावर भारतीय रेल्वेमधील चहाचा व्हिडीओ व्हायरल होतो आहे तो पाहून तुम्ही कायमचं चहा प्यायला विसरुन जाल. हा व्हिडीओ पाहून कायम रेल्वेने प्रवास करणाऱ्या प्रवाशांची झोप उडाली आहे.
ट्रेन येण्यापूर्वी किटलीमध्ये चहा भरल्याचे व्हायरल व्हिडीओमध्ये दिसत आहे. किटलीमध्ये चहा ज्या पद्धतीने भरला जात आहे ते घृणास्पद आहे. याठिकाणी ना स्वच्छतेची काळजी घेतली गेली ना कोणत्याही प्रकारचा मास्क घातला गेला. अतिशय अस्वच्छ पद्धतीने बादलीनं किटलीमध्ये चहा ओतताना पाहायला मिळत आहे. आजूबाजूची जागही अतिशय अस्वच्छ आहे. हा व्हिडीओ पाहून तुम्ही कदाचीत रेल्वेत, रेल्वे स्थानकावर चहा पिणं सोडून द्याल.
पाहा व्हिडीओ
हा व्हिडीओ पाहून तुम्ही रेल्वेमध्ये चहाचं नावाच घेणार नाहीत. सोशल मीडियावर या पूर्वी रेल्वेमधील चहा बनविण्यासाठी टॉयलेटचं पाणी वापरण्यात येत असाचा धक्कादायक व्हिडीओ व्हायरल झाला होता. त्यानंतर आता हा व्हिडीओ व्हायरल झालाय. हा व्हिडीओ पाहून नेटकरी कारवाईची मागणी करत आहेत.