मुंबईच्या ‘बर्गर किंग’मधल्या बर्गरमध्ये महिलेला काय आढळलं पाहा; धक्कादायक VIDEO पाहून झोप उडेल

या महिलेने असा दावा केला की, तिला बर्गर किंग या आउटलेटमधून खाद्यपदार्थ ऑर्डर केल्यानंतर बर्गरमध्ये मृत कीटक सापडला. या महिलेने याचा व्हिडीओ सोशल मीडियावर शेअर केला असून तो व्हिडीओ आता व्हायरल होत आहे.

इन्स्टाग्रामवर शेअर केलेल्या व्हिडीओमध्ये महिलेने बर्गरमधील कीटक तर दाखवलेच, पण बर्गरसाठी प्रसिद्ध असलेल्या आउटलेटवर तिनं तीव्र नाराजीही व्यक्त केली आहे. हा व्हिडीओ पोस्ट करत महिलेने कॅप्शन लिहिले आहे की, “आज माझ्या बर्गर किंग ऑर्डरमध्ये एक मेलेला कीटक सापडला @burgerkingindia हे तुमच्याकडून अपेक्षित नाहीये, जर बर्गर किंगसारखे मोठे ब्रँड त्यांच्या स्वच्छतेची काळजी घेऊ शकत नाहीत तर मला आता कशावर अवलंबून राहावे हे कळत नाहीये”, अशी पोस्ट तिने केली आहे. पुढे ती म्हणते की, हे दुकान मुंबईत आहे आणि मी मागवलेल्या डबल पार्टी व्हेजी बर्गरमध्ये हा मृत कीटक मला आढला. यामुळे आपल्या सर्वांसाठी सुरक्षिततेचा प्रश्न निर्माण होतो, जे ब्रँड त्यांच्या फ्रँचायझीची काळजी घेऊ शकत नाहीत. @burgerkingindia ने यासंदर्भात माफी मागितली पाहिजे, अशीही तिनं मागणी केली आहे.

पाहा पोस्ट

हेही वाचा >> जीवापेक्षा चहा महत्वाचा! पुराच्या पाण्यात लोकांची पळापळ; तरुणाला मात्र चहाची तलफ; VIDEO पाहून पोट धरुन हसाल

दरम्यान, ही एकच घटना नाही तर खाद्यपदार्थांमध्ये आढळणारे कीटक आणि अगदी उंदीर आणि पाली यांच्या अलीकडील अहवालांमुळे ग्राहकांच्या सुरक्षिततेबाबत गंभीर चिंता निर्माण झाली आहे. अन्नातून विषबाधा आणि अस्वच्छ अन्नामुळे होणारे रोग, हा आरोग्यासाठी एक प्रमुख चिंतेचा विषय बनला आहे. पावसाळ्यात अशा प्रकरणांमध्ये अनेकदा वाढ होते. यामुळे ऑनलाइन ऑर्डरच्या सुविधांवर प्रश्न निर्माण झाले आहेत. घरापासून दूर राहणाऱ्या तरुणाईची संख्या मोठी असून ते सर्व ऑनलाइन फूडवर अवलंबून असतात, त्यामुळे ही बाब आणखी गंभीर बनते.