बॉलिवूड अभिनेता सोनू सूद करोना काळात लाखो लोकांसाठी प्रेरणा देणारा ठरला. त्याने त्यावेळी बऱ्याच लोकांना मदत केली होती. त्यानंतर तो भारताचे खरा सुपरस्टार बनला. सोशल मीडियावर त्याची जोरदार फॅन फॉलोइंग आहे. त्याचे चाहते त्याच्यासाठी अनेकदा काहीतरी खास करण्याचा प्रयत्न करतात. त्याच वेळी, सोनू त्याच्या चाहत्यांच्या प्रयत्नांचे कौतुक देखील करतो.
सोनूचा एक फोटो सध्या सोशल मीडियावर प्रचंड व्हायरल होत आहे. या फोटोमध्ये एक सिम कार्ड आहे, ज्यावर सोनूचे पेंटिंग बनवले आहे. सांगितले जात आहे की सोनूच्या फॅनने हे पेंटिंग बनवले आहे. सोमिन नावाच्या त्याच्या एका चाहत्याने हे चित्र त्याला समर्पित केले आहे, त्याने सोनू सूदलाही या फोटोसह टॅग केले आहे. त्यानंतर अभिनेत्याने लगेच ते रिट्विट केले.
हा फोटो शेअर करताना, सोनूच्या फॅन सोमिनने लिहिले, सोनू सूदचा फोटो सिमवर आणि सोनू सूदलाही टॅग केले. थोड्याच वेळात, सोनू सूदने त्यावर एक मजेदार केमेंट देखील केली.सोनू सूदनेही ही पोस्ट रिट्विट केली आणि लिहिले, फ्री १० जी नेटवर्क. आतापर्यंत १२ हजारापर्यंत लोकांना ही पोस्ट आवडली आहे. त्याचबरोबर अनेक चाहते त्यावर मजेदार कमेंटही करत आहेत. एका चाहत्याने लिहिले, ‘मदत करण्यासाठी तुमचे नेटवर्क सर जी पेक्षा अधिक आहे’, दुसऱ्याने लिहिले, तुमचे नेटवर्क संपूर्ण जगात सर्वात वेगवान आहे.’
कोरोनाच्या काळात, जेव्हा लोक मृत्यूच्या उंबरठ्यावर पोहोचले होते आणि ऑक्सिजन, औषधांसाठी इकडे -तिकडे भटकत होते, तेव्हा सोनू सूद त्यांच्यासाठी उभा होता आणि त्याने देशाच्या कानाकोपऱ्यात प्रत्येकाला मदत केली होती. सोनू सूदच्या या कामाचे खूप कौतुक झाले.