प्रेमाचं क्रूर नाटक…नवऱ्याला मारण्यापूर्वी मुस्कानचा सौरवसोबतचा शेवटचा VIDEO व्हायरल, पाहून डोळ्यांत येईल पाणी

या व्हिडीओमध्ये ती आपल्या नवऱ्यासोबत डान्स करताना दिसतेय. लक्षवेधी बाब म्हणजे या डान्सनंतर ३ दिवसांनी तिने आपल्या नवऱ्याची हत्या केली. त्यामुळे हा व्हायरल व्हिडीओ पाहून देशभरातील नेटकरी खवळले आहेत. दरम्यान हा व्हायरल होत असलेला व्हिडीओ सौरभ आणि मुस्कान यांची मुलगी पिहू हिच्या वाढदिवसाच्या निमित्तानं शूट करण्यात आला होता. हा व्हिडीओ पाहून तुमच्याही डोळ्यांत पाणी येईल.

मुलीच्या वाढदिवसाला सौरभनं पत्नीसोबत मनसोक्त डान्स केला होता. आई-वडिलांना एकत्र नाचताना पाहून मुलगी देखील खूप खुश होती. पण दुदैवाची गोष्ट म्हणजे तो डान्स शेवटचा ठरला. कारण यानंतर मुस्काननं बॉयफ्रेंडसोबत मिळून सौरवची हत्या केली.

माहितीनुसार, सौरभ राजपूत नुकताच लंडनवरून भारतात आला होता. २०१६ रोजी सौरभ आणि मुस्कान यांचा प्रेमविवाह झाला होता. मेरठमध्ये हे जोडपे राहत होते. या दोघांना एक मुलगी देखील आहे. मात्र, पत्नीने प्रियकराच्या मदतीने पतीची हत्या केली आहे. या घटनेत आता धक्कादायक माहिती समोर येत आहे. पीडित सौरभ राजपूतची पत्नी मुस्कानला तिचा प्रियकर साहिल शुक्लाने व्यसनी बनवलं होतं. गांजा आणि ड्रग्जच्या व्यसनामुळे ती प्रियकराला सोडू शकत नव्हती, अशी धक्कादायक माहिती समोर आली आहे. या संदर्भातील वृत्त दैनिक भास्करच्या हवाल्याने हिंदुस्तान टाईम्सने दिलं आहे.

पाहा व्हिडीओ

आता मुस्कान रस्तोगीच्या आई-वडिलांची प्रतिक्रिया समोर आली आहे. तिला जगण्याचा काहीही अधिकार नसून तिला फासावर लटकवा, अशी संतप्त प्रतिक्रिया प्रमोद कुमार रस्तोगी आणि कविता रस्तोगी यांनी दिली आहे. पालकांनी आपल्या मुलीला पाठिंबा देण्यास नकार दिला. आमचा जावई सौरभने मुस्कानवर मनापासून प्रेम केले. पण तिने त्याच्या प्रेमाची पर्वा केली नाही, अशीही प्रतिक्रिया त्यांनी दिली.