“संस्कृती जपणारी शिवकन्या…” साडी नेसून बस चालवणाऱ्या महिलेचा व्हिडीओ होतोय व्हायरल

या व्हायरल व्हिडीओत तुम्हाला दिसेल की एक महिला साडी नेसून बस चालवताना दिसत आहे.सहसा महिला बस चालक सुद्धा शर्ट पँटमध्ये दिसतात पण या महिलेने मराठमोळ्या पद्धतीने साडी नेसलेली दिसत आहे. महिला साडी नेसतात म्हणून तिला एखादे काम जमेल का, अशी शंका व्यक्त केली जाते. पण या महिलेने अशी शंका व्यक्त करणाऱ्या लोकांना चोख उत्तर दिले आहेत. साडीमध्ये ती अगदी बिनधास्तपण बस चालवताना दिसत आहे.
या व्हिडीओवर अनेक युजर्सनी कौतुकाचा वर्षाव केला आहे. एका युजरने लिहिलेय, “मला तुमची बस चालवण्याची स्टाइल खूप आवडली” तर दुसऱ्या एका युजरने लिहिलेय, “संस्कृती जपणाऱ्या ताईला प्रणाम. हीच आमची शिवकन्या” आणखी एका युजरने लिहिलेय, ” खूप छान ताई. मी पण माझ्या मुलीला ड्रायव्हर बनवणार”

हेही वाचा : तुम्हाला व्हिडीओमध्ये कार दिसतेय का? पण ही कार नाही, एकदा क्लिक करून पाहा…

landgemina या इन्स्टाग्राम अकाउंटवरुन हा व्हिडीओ शेअर करण्यात आला असून हे अकाउंट या महिला बस चालकाचे आहे. मीना भगवान लांडगे असे त्यांचे नाव असून त्या नाशिक जिल्ह्यातील आहे. त्यांच्या या अकाउंटवरुन त्यांनी अनेक व्हिडीओ शेअर केले आहे ज्यामध्ये त्या साडी नेसून बस चालवताना दिसत आहे.