OxygenOS 16 launch for India : स्मार्टफोन वापरकर्त्यांसाठी एक महत्त्वाची बातमी म्हणजे वनप्लस आपल्या ऑक्सिजन ओएस १६ अपडेटसह भारतात १६ ऑक्टोबरला लाँच होणार आहे. हा अपडेट अँड्रॉईड १६ वर आधारित असून नवीन एआय फीचर्ससह येणार आहे. नवीन UI वापरकर्त्यांना स्मार्ट आणि सहज अनुभव देईल, तर काही डिव्हाइससाठी हा शेवटचा मोठा अपडेट ठरणार आहे. वनप्लस समुदायामध्ये एका पोस्टमध्ये संभाव्य डिव्हाइसची यादी दिली गेली आहे, ज्यांना हा अपडेट मिळण्याची शक्यता आहे. या अपडेटमुळे फक्त UI बदलणार नाही तर एआय फीचर्स आणि सिस्टम सुधारणादेखील मिळतील. आता पाहूया कोणत्या डिव्हाइसला हा अपडेट मिळेल आणि काय नवीन वैशिष्ट्ये असतील.
OnePlus OxygenOS 16 अपडेटची संभाव्य यादी खालीलप्रमाणे आहे:
OnePlus 13, OnePlus 13R, OnePlus 13S
OnePlus Open
OnePlus 12, OnePlus 12R
OnePlus 11, OnePlus 11R
OnePlus Nord 5, OnePlus Nord 4, OnePlus Nord 3
OnePlus Nord CE5, OnePlus Nord CE4, OnePlus Nord CE4 Lite
OnePlus Pad 3, OnePlus Pad Lite, OnePlus Pad 2, OnePlus Pad
हे उल्लेखनीय आहे नॉर्ड सीई४, नॉर्ड सीई४ लाइट आणि वनप्लस नॉर्ड ३ या डिव्हाइससाठी हा शेवटचा अपडेट असणार आहे. या डिव्हाइसेसमध्ये वनप्लसने लाँच करताना दिलेल्या अपडेट कालावधीचा समावेश आहे. नॉर्ड सीई४ आणि सीई४ लाइट ला २ वर्षांचा अपडेट आणि नॉर्ड ३ ला ३ वर्षांचा अपडेट मिळेल.
ऑक्सिजन ओएस १६ अपडेट कधी मिळेल?
वनप्लसने जाहीर केले की, १६ ऑक्टोबरला भारतात ऑक्सिजन ओएस १६ लाँच होईल, पण सर्व डिव्हाइसना अपडेट एकाच वेळी मिळणार नाही. नवीन UI प्रथम वनप्लस १३ सीरिजसाठी रोलआउट होईल, ज्यामध्ये वनप्लस १३, १३ आर आणि १३ एस समाविष्ट आहेत. त्यानंतर जुने फ्लॅगशिप डिव्हाइस आणि शेवटी मिड-रेंज नॉर्ड सीरिजसाठी अपडेट उपलब्ध होईल.
ऑक्सिजन ओएस १६ मधील नवीन वैशिष्ट्ये
हा अपडेट अँड्रॉईड १६ सह येईल आणि नवीन एआय फीचर्ससह स्मार्ट अनुभव देईल. वनप्लसने सांगितले की, जेमिनी एआय असिस्टंट ‘प्लस माइंड’मध्ये एकत्रित केले जाईल, ज्यामुळे उपयोगकर्ता स्क्रीनशॉट वापरून नवीन ट्रिप प्लॅनिंगसारख्या गोष्टी विचारू शकतील. लीक सूचनांनुसार लॉक-स्क्रीन विजेट्स येऊ शकतात, परंतु याबाबत अद्याप अधिकृत माहिती नाही.
याशिवाय, आयकॉन रिफ्रेश, स्मूथ अ‍ॅनिमेशन्स, सेटिंग्ज आणि नोटिफिकेशन पॅनेलमध्ये बदल यांसारख्या सुधारणादेखील येऊ शकतात. वनप्लस वापरकर्त्यांना या अपडेटसह नवीन अनुभवाची अपेक्षा आहे, त्याच फोनमुळे तो अधिक स्मार्ट आणि वापरकर्ता अनुकूल बनला.