Viral video: सोशल मीडियावर रोज वेगवेगळे व्हिडीओ व्हायरल होत असतात. काही व्हिडीओ पाहून आश्चर्य वाटतं. नुकताच एक व्हिडिओ सोशल मीडियावर व्हायरल होत आहे. जो पाहिल्यानंतर लोकांना त्यांच्या डोळ्यांवर विश्वास बसत नाहीये. या व्हिडिओमध्ये एका व्यक्तीने नोटांचा एवढा मोठा हार बनवला आणि तो घातला की पाहणारे बघतच राहिले. आश्चर्याची बाब म्हणजे या १०-२० रुपयांच्या नोटा नसून ५०० रुपयांच्या नोटा होत्या. हा व्हिडीओ पाहून तुम्हीही डोक्याला हात लावाल.
हे दृश्य पाहून लोकही आश्चर्यचकित झाले आहेत. कारण ५०० च्या नोटांचा हार घालणाऱ्या व्यक्तीच्या घरची परिस्थिती खूप वाईट दिसत आहे. हा धक्कादायक व्हिडिओ @dilshadkhan_kureshipur नावाच्या युजरने इन्स्टाग्रामवर शेअर केला आहे. हा व्हिडीओ आतापर्यंत दहा लाखांहून अधिक लोकांनी पाहिला आहे. त्याचबरोबर या व्हिडीओवर लोक आपल्या प्रतिक्रियाही देत आहेत. ५०० रुपयांचा हा हार २० लाखांच्या घरात आहे अस अंदाज नेटकऱ्यांनी वर्तवला आहे.
व्हायरल होत असलेल्या या व्हिडीओमध्ये तुम्ही पाहू शकता, काही लोक जमिनीवर तर काही लोक गच्चीवर उभे असल्याचे पाहायला मिळत आहे. त्याचवेळी, या व्यक्तीच्या गळ्यात नोटांची इतकी लांब माळ आहे की ती गच्चीवरुन थेट जमिनीला स्पर्श करते. हारातील सर्व नोटा ५०० रुपयांच्या आहेत. त्याचा व्हिडिओ इंटरनेटवर मोठ्या प्रमाणात व्हायरल होत आहे. व्हिडिओ पाहून लोक आश्चर्यचकित झाले आहेत आणि पोस्टवर तीव्र प्रतिक्रिया देत आहेत.
पाहा व्हिडीओ
हेही वाचा >> “हे पाहून त्रास होतो” गेट ऑफ इंडिया येथील ‘तो’ VIDEO पाहून आनंद महिंद्रा भडकले
अशा प्रतिक्रिया दिल्या लोकांनी
व्हायरल होत असलेल्या या व्हिडिओवर लोक तीव्र प्रतिक्रिया देत आहेत. एका यूजरने लिहिले की, ‘इतक्या पैशात घर दुरुस्त करा.’ त्याचवेळी दुसर्‍या यूजरने लिहिले की, ‘भाई, इतके पैसे आले कुठून?’ त्याचवेळी तिसऱ्या यूजरने लिहिले की, ‘ईडीचे छापे लवकरच पडू शकतात.’