VIDEO: “हरलेला डावही जिंकता येतो” १२वीला गणितात ३५ टक्के; पीएसआय अधिकाऱ्याची मार्कशीट व्हायरल

“आयुष्याच्या एखाद्या टप्प्यावर आलेल्या अपयशाला तुमची ताकद बनवा”

पीएसआय संजय विघ्णे असं या अधिकाऱ्याचं नाव असून त्यांनी स्वत:च्या प्रवासाबद्दल सांगितलं आहे. बारावीला ५६ टक्के गुण आणि गणितात तर केवळ ३५ टक्के घेऊन काठावर पास झालेला एक तरुण पुढे जाऊन एक पीएसआय अधिकारी होईल असं कुणालाही वाटलं नव्हतं. मात्र “आयुष्याच्या एखाद्या टप्प्यावर आलेल्या अपयशाला तुमची ताकद बनवा” हे लक्षात ठेवून जिद्दीनं संजय विघ्णे यांनी यशाला गवसणी घातली. कुठलीही एक परिक्षा म्हणजे तुमचं अख्खे आयुष्य नव्हे. या व्हिडीओमध्ये संजय यांनी त्यांची मार्कशीटही दाखवली आहे. यामध्ये इंग्रजीमध्ये – ५३, मराठीमध्ये – ८३, भूगोल- ६८, गणित – ३५, फिजीक्स – ३९, केमिस्ट्री – ४८ आणि पर्यावरण शिक्षण – ३८ असे गुण त्यांना बारावीला मिळाले आहेत.

म्हणूनच आजच्या बारावीच्या निकालात यश आले तर लगेच हुरळून जाऊ नका अन् अपयश आले तर खचूनही जाऊ नका. ‘अपयश ही यशाची पहिली पायरी म्हणण्यापेक्षा अपयश हे तर यशाचे पूर्ण पुस्तक असते, ज्याच्या शेवटच्या पानावर यश असते. ते गाठण्यासाठी अपयशाचे संपूर्ण पुस्तक वाचावे लागते. याचाच अर्थ प्रयत्न करा, यश शिखरावर मिळेलच’, असे आवाहन मानसोपचारतज्ज्ञ, शिक्षण क्षेत्रातील अभ्यासकांनी केले आहे.

पाहा व्हिडीओ

हेही वाचा >> VIDOE: हिरवागार आंबा १ सेंकदात झाला पिवळा; आंबे पिकवण्याची ‘ही’ पद्धत पाहून डोळ्यांवर विश्वास बसणार नाही

स्वत:च्या मेहनतीवर विश्वास ठेवा

अपयश ही यशाची पहिली पायरी असते, हे संजय यांचा प्रवास पाहून लक्षात येते. बोर्डाच्या परीक्षेत नापास होण्यापासून ते पहिल्याच प्रयत्नात पीएसआय होण्याचा प्रवास त्यांनी अनुभवला. त्यांचा हा प्रवास अनेकांसाठी खूप प्रेरणादायी आहे. त्यामुळे दहावी, बारावीच्या निकालात मनासारखे गुण मिळाले तर शुभेच्छाच. पण कमी गुण मिळाले, अनुत्तीर्ण झालात तरी काही काळजी करु नका. पुन्हा तयारीला लागा. स्वत:च्या मेहनतीवर विश्वास ठेवा. मग यश तुमच्याजवळच असेल.