अंकिता देशकर
Train Accident Viral Video: लाईटहाऊस जर्नालिज्मला रेल्वे अपघाताचा एक व्हिडीओ सध्या सोशल मीडियावर तुफान व्हायरल होत असल्याचे लक्षात आले. हा व्हिडिओ भारतातील वापरकर्त्यांनी शेअर केला असून, भारतात आणखी एक रेल्वे अपघात झाला आहे. या दुर्घटनेतील मृतांची संख्या अद्याप कळू शकलेली नाही, असा दावाही त्यांनी केला आहे.
काय होत आहे व्हायरल?
Amit Yadav5683 नावाच्या युट्युब चॅनेल ने हा व्हायरल व्हिडिओ शेअर केला होता.
इतर वापरकर्ते देखील हाच व्हिडिओ शेअर करत आहेत.
तपास:
आम्ही व्हिडिओमधून काही स्क्रीन मिळवून आमचा तपास सुरू केला. आम्ही काढलेल्या फ्रेम्सवर गूगल रिव्हर्स इमेज सर्च केले. इथून आम्हाला @karawanghitzz या इंस्टाग्राम हँडलची माहिती मिळाली. या हँडलवर १८ जुलै रोजी हाच व्हिडिओ अपलोड केला होता.
या व्हिडिओच्या कॅप्शनची भाषा इंडोनेशियन होती आणि कॅप्शनमध्ये लिहिले होते, ‘आशा आहे की कोणतीही जीवितहानी झाली नाही, सेमरंगमधील घटना’. म्हणून मग आम्ही गूगल कीवर्ड शोध सुरू केला. हा रेल्वे अपघात जुलै २०२३ मध्ये झाला होता आणि आम्हाला त्याबद्दल अनेक बातम्या आढळल्या.
आम्हाला या घटनेचे व्हिडिओ देखील सापडले.
निष्कर्ष: लेव्हल क्रॉसिंगवर ट्रकला ट्रेन धडकल्याचा व्हिडिओ भारतातील नसून इंडोनेशियातील सेमरंग शहरातील आहे. व्हायरल दावे दिशाभूल करणारे आहेत.