Viral Video: सोशल मीडियावर लग्नसराईचे अनेक व्हिडीओ सतत व्हायरल होत असतात. या व्हायरल होणाऱ्या व्हिडीओंमध्ये लग्नातील अनेक गमतीजमती, अनोख्या प्रथा, हटके उखाणे, डान्स आपल्याला पाहायला मिळतात. सध्या असाच एका साखरपुड्यातील हळदीतील सुंदर डान्स मोठ्या प्रमाणात व्हायरल होत आहे, ज्यात पती-पत्नी सुंदर डान्स करताना दिसत आहेत.
हल्ली सोशल मीडियावर कधी कोणता व्हिडीओ व्हायरल होईल हे सांगता येत नाही. अगदी लहान मुलांपासून ते वृद्ध व्यक्तींपर्यंत प्रत्येक जण सोशल मीडियावर वेगवेगळी कला सादर करताना दिसतात, ज्यात डान्स करणाऱ्यांचे प्रमाण सर्वाधिक पाहायला मिळते. दरम्यान, आता असा एक डान्सचा व्हिडीओ व्हायरल होतोय, ज्यात पती-पत्नी नाचताना दिसतायत.
या व्हिडीओमध्ये तुम्ही पाहू शकता, एका साखरपुड्याच्या कार्यक्रमामध्ये पती-पत्नी “रांझणा हुआ मैं तेरा” या गाण्यावर डान्स करत असून यावेळी त्यांच्या डान्स स्टेप्स आणि चेहऱ्यावरील कमालीचे हावभाव पाहून नेटकरी कौतुक करत आहेत. त्यांचा हा डान्स सोशल मीडियावर तुफान व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @spideys_beast या अकाउंटवर शेअर करण्यात आला असून या व्हिडीओवर आतापर्यंत सहा मिलियनहून अधिक व्ह्युज आणि एक लाखांहून अधिक लाइक्स मिळाल्या आहेत. या व्हिडीओवर अनेक जण कमेंट्सदेखील करताना दिसत आहेत. यावर एका युजरने लिहिलंय की, “काय नाचले हे दोघे”, तर दुसऱ्याने लिहिलंय की, “खूपच सुंदर नाचले दोघेही”, तर तिसऱ्याने लिहिलंय की, “याला बोलतात डान्स”, तर आणखी एकाने लिहिलंय की, “काय भारी नाचले राव”