शहरात लहान-मोठय़ा चोऱ्यांचे सत्र सुरूच असून सुट्टय़ांमुळे घर बंद करून बाहेर जाणेही नागरिकांना जीकिरीचे होऊ लागले आहे. सिडको भागात बंद घरातून चांदीची भांडी, शिक्के व नाण्यांसह सव्वादोन लाखांचा ऐवज चोरटय़ांनी लुटून नेला. यात रोख २५ हजार रुपयांचा समावेश आहे. मुकुंदवाडी पोलिसांत याबाबत नोंद करण्यात आली.
जितेंद्रसिंग बाबुलाल बुनलिया (वय ६५, एन ३ सिडको, प्लॉट नं. २९२, पहिला मजला) यांनी याबाबत फिर्याद दिली. बुनलिया यांच्या मुलाच्या घरी (प्लॉट नं. ३३) ही चोरी झाली. रोख रकमेसह सहा ग्लास, १२ शिक्के व सुपारीची पेटी असा चांदीचा साडेतीन-चार किलोचा ऐवज चोरटय़ांनी लांबविला. सोमवारी रात्री आठ ते मंगळवारी सकाळी पावणेदहाच्या दरम्यान कधी तरी ही चोरी झाली. दिवाळीच्या दरम्यान व नंतरही शहरात चोऱ्यांचे प्रमाण वाढले असून, पोलिसांपुढे तपासाचे आव्हान निर्माण झाले आहे. 

आर्काइव्हमधील सर्व बातम्या मोफत वाचण्यासाठी कृपया रजिस्टर करा
मराठीतील सर्व मराठवाडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Robbery in sidco of four kg silver