जिल्हा मध्यवर्ती सहकारी बँकेच्या गढी शाखेच्या इमारतीच्या खिडकीचे चार गज गॅसकटरने कापून चोरटय़ांनी तिजोरीतील साडेचार लाखांची रक्कम लंपास केली.  तिजोरीतील ४ लाख ४० हजार ४४४ रुपयांची रक्कम घेऊन चोरटे पसार झाले. दुसऱ्या दिवशी बँकेचे शिपाई एम. एम. सय्यद यांच्या हा प्रकार लक्षात आल्यानंतर पोलिसांना माहिती देण्यात आली.  चोरटय़ांचा सुगावा लागावा, या साठी श्वानपथकाला पाचारण करण्यात आले. या प्रकरणी गेवराई पोलीस ठाण्यात गुन्हा दाखल करण्यात आला.