नागपूर मार्गे बंगळुरू ते पाटणा विशेष सुपरफास्ट गाडी

उन्हाळ्यातील सुटीमधील प्रवाशांची वाढती गर्दी लक्षात घेता रेल्वेने नागपूरमार्गे बंगळुरू ते पाटणा विशेष साप्ताहिक सुपरफास्ट गाडी चालविण्याचा निर्णय घेतला आहे.
ही ०२३५३ पाटणा-बंगळुरू प्रिमिअम विशेष साप्ताहिक गाडी पाटण्याहून १७ एप्रिल ते २६ जून दरम्यान (अकरा फेऱ्या) प्रत्येक गुरुवारी रात्री साडेअकरा वाजता सुटून दुसऱ्या दिवशी रात्री ७ वाजून ३५ मिनिटांनी नागपूरला येईल. ७ वाजून ४५ मिनिटांनी रवाना होईल.
तिसऱ्या दिवशी सायंकाळी ६ वाजून ५५ मिनिटांनी बंगळुरू कँटोन्मेंटला पोहोचेल. ०२३५४ बंगळुरू-पाटणा प्रिमिअम विशेष साप्ताहिक गाडी बंगळुरू कँटोन्मेंटहून २० एप्रिल ते २९ जून दरम्यान (अकऱ्या फेऱ्या) प्रत्येक रविवारी दुपारी साडेतीन वाजता सुटून दुसऱ्या दिवशी दुपारी १ वाजून ३५ मिनिटांनी नागपूरला पोहोचेल. पावणेदोन वाजता निघून तिसऱ्या दिवशी सकाळी पावणेदहा वाजता पाटण्याला पोहोचेल.मुगलसराय, जबलपूर, नागपूर, विजयवाडा व चेन्नई सेंट्रल येथे ही गाडी थांबेल. या गाडीला वीस डबे राहणार असून त्यात दोन द्वितीय वातानुकूलित, सहा तृतीय वातानुकूलित, नऊ शयनयान, दोन एसएलआर व एक भोजन डबा यांचा समावेश आहे.