मुंबई शेअर बाजाराने सलग तिसऱ्या सत्रात वाढ नोंदविताना गुरुवारी गेल्या २८ महिन्यांचा नवा उच्चांक स्थापन केला. दोन्ही प्रमुख शेअर निर्देशांक दिवसअखेर किरकोळ वाढीसह बंद झाले. सेन्सेक्समध्ये ३४.३७ अंश वाढ होऊन मुंबई निर्देशांक २०,२४७.३३ वर तर राष्ट्रीय शेअर बाजाराचा निफ्टी २३.१५ अंश वधारणेसह ६,१६९.९० पर्यंत पोहोचला.
निफ्टी निर्देशांकाचा चढता क्रम आगामी कालावधीतही कायम राहण्याची शक्यता आहे. यातून निफ्टी ६,२२५ ते ६,१३६ या स्तरावर असेल. जागतिक बाजारात युरोपीय तसेच अमेरिकन बाजार नकारात्मक स्थितीत असताना, बाजारात आजही बांधकाम, बँक असे व्याजदराशी निगडित समभाग उंचावले हे विशेष.
’ अलेक्स मॅथ्यूज,
संशोधन प्रमुख, जिओजित बीएनपी पारिबा फायनान्शिअल सव्र्हिसेस.