छत्रपती संभाजीनगरमध्ये नीटच्या विद्यार्थ्यांचे आंदोलन

छत्रपती संभाजीनगर: देशभर गाजत असलेल्या वैद्यकीय प्रवेशपूर्व परीक्षेतील (नीट) कथित गुण घोटाळ्यावरून विद्यार्थ्यांनी सोमवारी येथील क्रांती चौकात जोरदार घोषणाबाजी करत आंदोलन केले. दप्तरांसह आलेल्या विद्यार्थी- विद्यार्थिनींनी हातात, आम्हाला न्याय द्या, चोरी हो गयी मेरी सीट, घोटाळे करणे थांबवा, माझे भविष्य वाचवा, मला डॉक्टर बनायचे आहे, अशा अनेक फलकांनी लक्ष वेधून घेतले.