Toyota एक आघाडीची वाहन उत्पादक कंपनी आहे. आपल्या ग्राहकांसाठी नवनवीन मॉडेल्स कंपनीं लॉन्च करतच असते. टोयोटा किर्लोस्कर मोटर्स कंपनीने नुकतीच त्यांच्या लोकप्रिय आणि शक्तिशाली SUV इनोव्हा ख्रिस्त याच्या टॉप ग्रेड व्हेरिएंटची किंमत जाहीर केली आहे. कंपनीने इनोव्हा क्रिस्टाच्या २ टॉप ग्रेड्स म्हणजेच ZX आणि VX यांच्या किंमती जाहीर केल्या आहेत.
Toyota Innova Crysta चे फीचर्स
इनोव्हा क्रिस्टा हे मॉडेल नवीन आणि स्टायलिश फ्रंट डिझाईनसह येते. ही कार भारतातील उद्योगपती, कार्पोरेट्स क्षेत्राला लक्षात घेऊन तयार करण्यात आली आहे. कंपनीने दिलेल्या माहितीनुसार, इनोव्हा क्रिस्टा या मॉडेलमध्ये कंपनीने २.४ लिटरचे डिझेल इंजिन दिले आहे. जे ५-स्पीड मॅन्युअल ट्रान्स्मिशनसह येते. हे इंजिन इको आणि पॉवर ड्राइव्ह मोड्सवर काम करते. तसेच याचे इंजिन हे ११० Kw ची पॉवर आणि ३४३ nM चा टॉर्क जनरेट करते.
सेफ्टी फीचर्स
वापरकर्त्यांच्या सुरक्षेसाठी टोयोटा इनोव्हाच्या नवीन मॉडेलमध्ये ७ SRS एअरबॅग्स दिल्या आहेत. त्याशिवाय कारमध्ये रिअल आणि फ्रंट पार्किंग सेन्सर्स, व्हेईकल स्टॅबिलिटी कंट्रोल आणि हिल स्टार्ट असिस्ट कंट्रोल, अँटी लॉक ब्रेकिंग सिस्टम (एबीएस), इलेक्ट्रॉनिक ब्रेक फोर्स डिस्ट्रिब्युशन (ईबीडी) आणि ब्रेक असिस्ट्स अणि ३ पॉइंट सीटबेल्ट आणि हेडरेस्ट्स सारखे सेफ्टी फीचर्स दिले आहेत.
टोयोटाच्या या कारमध्ये रियाल ऑटो एसी, ८-वे पॉवर ड्रायव्हर सीट, स्मार्ट एंट्री सिस्टीम, सीट बॅक टेबल, टीएफटी एमआयडी ड्राइव्ह माहिती, लेदर सीट कलर ऑप्शन्स यांसारखी आरामदायी फीचर्स देण्यात आली आहेत. कारमध्ये 8-इंचाचा टचस्क्रीन ऑडिओ प्लेकास्ट देण्यात आला आहे, जो Android आणि Apple CarPlay सह येतो.
हेही वाचा : टोयोटाची ‘ही’ MPV कार Mahindra Scorpio चा खेळ संपवणार, कमी किमतीत मिळतील धासू फीचर्स
काय आहे किंमत ?
नवीन Toyota Innova Crysta या मॉडेलची किंमत कंपनीने २३.७९ लाख (एक्सशोरूम) रुपये ठेवली आहे. तसेच याच्या टॉप व्हेरिएंटची किंमत २५.४३ लाख रुपये इतकी आहे. यामध्ये एक महत्वाची गोष्ट अशी की वेगवेगळ्या मॉडेलनुसार आणि वेगवेगळ्या रंगानुसार प्रत्येक मॉडेलची किंमत ही वेगवेगळी आहे.