Gold-Silver Price: ग्राहकांसाठी सुवर्णसंधी! सोन्याचा दर तब्बल ६,५०० रुपयांनी घसरला, जाणून घ्या भाव…

Gold-Silver Price Today: सोनं खरेदी करणाऱ्यांसाठी आनंदाची बातमी आहे. सराफा बाजारात सोन्याचे भाव गेल्या काही दिवसांपासून गगनाला भिडले होते. सोन्यांच्या दरात सातत्याने वाढ होत असल्याने ऐन लग्नसराईत ग्राहकांच्या खिशाला मोठी झळ लागत होती. अशातच आज मंगळवारी सोन्याच्या दरात घसरण झाल्याचे पाहायला मिळाले आहे. सोन्याच्या दरात तब्बल ६,५०० रुपयांची घसरण झाली आहे. तर चांदीच्या दरातही बदल झाला आहे. त्यामुळे ग्राहकांना मोठा दिलासा मिळाला आहे. चला तर मग तर आज सोन्याचे दर किती आहेत ते जाणून घेऊया. 

देशात आज सोन्याचे- चांदीचे दर नेमके काय आहेत? (Gold-Silver Price On 20 May 2025)

बुलियन मार्केट या वेबसाइटनुसार, आज २० मे २०२५ रोजी देशात १० ग्रॅम २४ कॅरेट सोन्याचा दर ९३,२६० रुपये आहे. तर २२ कॅरेटसाठी १० ग्रॅम सोन्याचा दर ८५,४८८ रुपये आहे. तर १ किलो चांदीचा दर ९५,२४० रुपये आहे. याशिवाय १० ग्रॅम चांदीचा दर ९५९ रुपये आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात. याबरोबरच तुमच्या शहरात नेमके काय दर आहेत जाणून घेऊ…

तुमच्या शहरातील आजचा सोन्याचा भाव

(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)

जून महिन्यातील सोन्याचा वायदा भाव ३.३६ टक्क्यांनी घसरून ९२,९६५ रुपये प्रति १० ग्रॅम झाला. तर चांदीचा जुलैचा वायदा ०.२९ टक्क्यांनी घसरून ९५,१७२ रुपये प्रति किलो झाला आहे. 

२२ आणि २४ कॅरेटमध्ये काय फरक आहे?

सोने खरेदी करताना सराफाकडून असे विचारले जाते की तुम्हाला २२ कॅरेटचे सोने खरेदी करायचे आहे की, २४ कॅरेटचे? त्यामुळे तुम्ही देखील हे जाणून घेणे आवश्यक आहे की तुम्ही खरेदी करताय ते सोनं काय शुद्धतेचं आहे. जर तुम्हाला कॅरेटबाबत माहित असेल तर ही बाब चांगली आहे आणि जर तुम्हाला माहित नसेल तर आम्ही तुम्हाला याबाबत माहिती देत आहोत.

२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.

सोने खरेदी करताना हॉलमार्क का महत्त्वाचा?

हॉलमार्कचा उद्देश सोन्याची पारदर्शकता तपासणे होय. दागिन्यांमध्ये किती कॅरेट सोन्याचा समावेश आहे हे हॉलमार्कसह लिहिले जाते. या युनिक कोडद्वारे दागिने शोधणे सोपी होते.सोन्याची पारदर्शकता तपासणे आहे. १ एप्रिल २०२३ पासून, केंद्र सरकारच्या नवीन नियमानुसार हॉलमार्कशिवाय कोणतेही दागिने बाजारात विकता येत नाहीत.