Mahakumbh 2025 Highlights : “हा तर गिनीज बुक ऑफ रेकॉर्ड”, महाकुंभात शाहीस्नान केल्यानंतर उपमुख्यमंत्री शिंदेंची प्रतिक्रिया!

Prayagraj Mahakumbh 2025 Updates : राज्यात मर्सिडिजवरून राजकीय गदारोळ सुरू असताना उपमुख्यमंत्री एकनाथ शिंदे त्यांच्या मंत्र्यांसह प्रयागराजला पोहोचले आहेत. आज त्यांनी त्रिवेणी संमगावर पवित्र स्नान केलं. मुख्यमंत्री देवेंद्र फडणवीस गेल्याच आठवड्यात प्रयागराजला जाऊन आले. त्यांच्यानंतर लागलीच एकनाथ शिंदेंनी दौरा आखला आहे. त्यांच्याबरोबर शिवसेनेचे काही आमदार आणि खासदारही आहेत. अमृतस्नान केल्यानंतर त्यांनी राज्यातील सफाई कर्मचाऱ्यापासून मुख्यमंत्री योगी आदित्यनाथ यांच्या कार्याचं कौतुक केलं.

उपमुख्यमंत्री एकनाथ शिंदे म्हणाले, “६० कोटी लोक येथे आले. कोणालाही काही त्रास झाला नाही. सफाई कर्मचाऱ्यापासून या राज्याचे मुख्यमंत्री योगी आदित्यनाथ यांची संपूर्ण टीम या कामात गुंतली आहे. हा मोठा गिनिज बुक रेकॉर्ड आहे. हा जगातील सर्वांत मोठा महाकुंभ आहे. हा जगातील सर्वांत मोठा समागम आहे. येथे येणारा चांगले विचार आणि ऊर्जा घेऊन जाणार.”

उपमुख्यमंत्री एकनाथ शिंदे यांनी सहकुटुंब प्रयागराज येथील महाकुंभ येथे शाहीस्नान केले.