Parliament Monsoon Session Hightlights: भारताने पाकिस्तानचे १००० क्षेपणास्त्र आणि ड्रोन्स हवेतच नष्ट केले – पंतप्रधान मोदी

“काल काँग्रेसने प्रश्न विचारला की, दहशतवादी कुठून आले, त्याला कोण जबाबदार होते? नक्कीच ती जबाबदारी आमची आहे. पण माजी गृहमंत्री पी. चिदंबरम काल म्हणाले की, दहशतवादी पाकिस्तानातूनच आले होते, याचा पुरावा काय? मी त्यांना प्रश्न विचारतो की, तुम्ही पाकिस्तानला वाचवण्याचा प्रयत्न करत आहात का? चिदंबरम हा प्रश्न विचारत आहेत, कारण ते पाकिस्तानला क्लीन चीट देत आहेत”, अशी टीका केंद्रीय गृहमंत्री अमित शाह यांनी केली.

केंद्रीय गृहमंत्री अमित शाह यांनी विरोधकांच्या टीकेला उत्तर देत असताना माजी पंतप्रधान जवाहरलाल नेहरु यांच्यावर टीका केली. १९४८ साली नेहरुंनी एकतर्फी युद्धबंदी केल्यामुळे पाकव्याप्त काश्मीर पाकिस्तानला मिळाला. त्याचवेळी नेहरुंनी प्रयत्न केले असते तर पीओके भारतात असता, असे विधान अमित शाह यांनी केले.

पहलगाम येथे झालेल्या दहशतवादी हल्ल्यात सहभागी असलेल्या तीन दहशतवाद्यांना ऑपरेशन महादेवच्या माध्यमातून लष्कराने ठार केले केले आहे. या तीन दहशतवाद्यांची नावे केंद्रीय गृहमंत्री अमित शाह यांनी लोकसभेत जाहीर केली आहेत. सुलेमान, अफगान आणि जिब्रान असे या तीन दहशतवाद्यांची नावे आहेत. हे तीनही दहशतवादी पाकिस्तानमधून आले होते, असेही अमित शाह यांनी सांगितले.