How to Make Khirapat Recipe: गणेशोत्सव हा सण जल्लोशाचे,चैतन्याचे आणि ऊत्साहाचे प्रतीक आहे.महाराष्ट्रात तर हा सण खुप मोठ्या प्रमाणात साजरा केला जातो.घरोघरी फुलांची आरास सजलेली असते.धूप-दीपांचा सुगंध दारोदारी दरवळत असतो.पुर्विच्या काळी एक-दोन प्रकारचेच मोदक बनवले जायचे परंतु काळानुसार त्यात बदल होत आहेत.आपण पारंपारिकतेला अधुनिकतेचा साज देत वेगळेपण जपुन परफेक्ट पारंपरिक रेसिपी जाणून घेऊयात. गणपतीसाठी वेगवेगळ्या खिरापती केल्या जात असल्या तरी पहिला मान असतो तो खोबऱ्याच्या खिरापतीला. सुक्या खोबऱ्याची खिरापत आणि पंचखाद्याची खिरापत ही प्रसाद म्हणून वाटण्यासाठी पहिले केली जाते. अनेक घरांमध्ये गणपती उत्सवाची तयारी म्हणून आधी खिरापत तयार केली जाते.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in

साहित्य :

  • ३/४ कप किसलेले सुके खोबरे (सुक्या खोबर्‍याची १/२ वाटी)
  • १ टेस्पून खसखस
  • १५० ग्राम खडीसाखर
  • ४ वेलचींची पूड
  • ६ ते ७ खारका
  • ८ ते १० बदाम

कृती :

  • खारकांच्या बिया काढून टाकाव्यात आणि खारकांची पूड करून घ्यावी. बदामाची मिक्सरमध्ये बारीक पूड करून घ्यावी.
  • किसलेले सुके खोबरे मंद आचेवर गुलाबी रंगावर भाजून घ्यावे. भाजलेले खोबरे परातीत काढावे.
  • मंद आचेवर खसखस भाजून घ्यावी. खलबत्त्यात कुटून घ्यावी.
  • बदामाची पूड आणि खारकांची पूड मध्यम आचेवर भाजून घ्यावी. खुप जास्त भाजू नये नाहीतर करपू शकते.
  • खडीसाखर खलबत्त्यात थोडी कुटून घ्यावी. भाजलेले खोबरे, भाजलेले खसखस, भाजलेली बदाम-खारकांची पूड, खडीसाखर आणि वेलचीपूड एकत्र करून मिक्सरमध्ये भरडसर खिरापत तयार करून घ्यावी.

हेही वाचा >> Ganesh Chaturthi 2023: बाप्पासाठी नैवेद्य काय दाखवायचा? तुम्हालाही हा प्रश्न असेल तर, जाणून घ्या बाप्पाचे आवडते १० पदार्थ

ही खिरापत गणपतीत प्रसाद म्हणून वाटतात.

First published on: 12-09-2023 at 15:14 IST
TOPICSगणेश उत्सव २०२३Ganpati Festivalगणेश चतुर्थी २०२४Ganesh Chaturthi 2024गणेशोत्सव २०२४GaneshotsavरेसिपीRecipe
मराठीतील सर्व गणेश उत्सव २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: How to make khirapat recipe ganpati prasad recipes in marathi ganesh chaturthi 2023 srk