IND vs ENG: भारताचा इंग्लंडवर थरारक विजय, मोहम्मद सिराजने घेतल्या ५ विकेट्स

मोहम्मद सिराजने गस एटकिन्सनला क्लीन बोल्ड करत भारताला इंग्लंडवर थरारक विजय मिळवून दिला आहे. यासह भारताने ओव्हल कसोटी सामना अवघ्या ६ धावांनी जिंकला आहे. तर ५ सामन्यांच्या कसोटी मालिकेत २-२ अशी बरोबरी साधली आहे.

प्रसिध कृष्णाने इंग्लंडला नववा धक्का दिला आहे. जोश टंग बाद होऊन माघारी परतला आहे. भारतीय संघाला विजयासाठी १ विकेटची गरज आहे.

मोहम्मद सिराजने पाचव्या दिवसाच्या सुरूवातीला चांगली सुरूवात करून दिली आहे. आधी त्याने जेमी स्मिथ आणि त्यानंतर ओव्हरटनला बाद करत माघारी धाडलं आहे. भारतीय संघाला विजयासाठी २ गडी बाद करायचे आहेत. तर इंग्लंडला विजयासाठी २० धावांची गरज आहे.

पाचव्या दिवशी सुरूवातीलाच इंग्लंडला मोठा धक्का बसला आहे. संघातील प्रमुख फलंदाज जेमी स्मिथ बाद होऊन माघारी परतला आहे.