इंग्लंड क्रिकेट टीम

अ‍ॅशेस मालिकेतला दारुण पराभव बाजूला सारत वर्ल्डकपसाठी सज्ज होण्याचं आव्हान इंग्लंडसमोर आहे. जगाला क्रिकेटची देणगी देणाऱ्या इंग्लंडने सर्व टी२० वर्ल्डकपमध्ये सहभाग नोंदवला मात्र केवळ दोनदा त्यांचं जेतेपदाचं स्वप्न साकार झालं. युवा कर्णधार हॅरी ब्रूक याच्याकडे इंग्लंडच्या नेतृत्वाची कमान आहे. मात्र गेल्या काही महिन्यात ब्रूक स्वत:मैदानाबाहेरील कृत्यांमुळे वादात सापडला आहे. एकापेक्षा दमदार फटकेबाजी करणारे शिलेदार इंग्लंडकडे आहेत मात्र गोलंदाजीच्या बाबतीत इंग्लंडची आघाडी कमकुवत भासते. आशियाई उपखंडातील खेळपट्ट्यांवर आदिल रशीदची फिरकी इंग्लंडसाठी जमेची बाजू ठरू शकते. जगभरातील विविध टी२० लीगमध्ये दिमाखदार कामगिरी करणारा अष्टपैलू सॅम करन चांगल्या फॉर्मात आहे. त्याच्याकडून इंग्लंडला मोठ्या अपेक्षा आहेत.