India vs South Africa 1st Test Day 2: भारत आणि दक्षिण आफ्रिका यांच्यातील पहिला कसोटी सामना ईडन गार्डन्सच्या मैदानार सुरू आहे. या सामन्यात दक्षिण आफ्रिकेचा पहिला डाव १५९ धावांवर आटोपला होता. या धावांचा पाठलाग करण्यासाठी आलेल्या भारतीय संघाचा डाव १८९ धावांवर आटोपला. दरम्यान दुसऱ्या डावात फलंदाजी करण्यासाठी आलेल्या दक्षिण आफ्रिकेने दुसऱ्या दिवसाच्या समाप्तीपर्यंत ७ गडी बाद ९३ धावा केल्या आहेत. दक्षिण आफ्रिकेने दुसऱ्या डावात ६३ धावांची आघाडी घेतली आहे.

IND vs SA Live: दक्षिण आफ्रिकेला सहावा धक्का! अक्षर पटेलच्या फिरकीसमोर वेरेनची बत्तीगुल

अक्षर पटेलने दक्षिण आफ्रिकेला सहावा धक्का दिला आहे. काईल वेरेनला त्रिफळाचित करत माघारी धाडलं आहे.

IND vs SA Live: दक्षिण आफ्रिकेला चौथा धक्का
दक्षिण आफ्रिकेला चौथा धक्का बसला आहे. जडेजाच्या फिरकीसमोर ट्रिस्टन स्टब्स ४ धावांवर त्रिफळाचित होऊन माघारी परतला आहे.

IND vs SA Live: जडेजाची फिरकी, फलंदाजांची गिरकी! एकाच ओव्हरमध्ये २ फलंदाजांना धाडलं माघारी

दक्षिण आफ्रिकेला लागोपाठ २ धक्के बसले आहेत. वियान मुल्डर ११ धावा करत माघारी परतल्यानंतर टोनी डी जॉर्जी २ धावांव माघारी परतला.

IND vs SA Live: दक्षिण आफ्रिकेला पहिला धक्का! टीम इंडियाकडे आघाडी

दक्षिण आफ्रिकेला पहिला धक्का बसला आहे. रायन रिकल्टन २३ चेंडूत ११ धावा करत माघारी परतला आहे. त्याला कुलदीप यादवने बाद केलं. दक्षिण आफ्रिकेचा संघ १२ धावांनी पिछाडीवर आहे.

IND vs SA Live: सिमोन हार्मेरच्या ४ विकेट्स; भारत सर्वबाद १८९

सिमोन हार्मेरच्या ४ विकेट्सच्या बळावर दक्षिण आफ्रिकेने भारताचा पहिला डाव १८९ धावांतच गुंडाळला. भारतीय संघाने ३० धावांची अल्प आघाडी धेतली आहे. मार्को यान्सनने ३ विकेट्स घेत हार्मेरला चांगली साथ दिली. भारतातर्फे के.एल.राहुलने सर्वाधिक ३९ धावा केल्या.


IND vs SA Live: भारतीय संघाचे ६ फलंदाज तंबूत! रवींद्र जडेजा परतला माघारी

भारतीय संघाचे ६ फलंदाज तंबूत परतले आहेत. रवींद्र जडेजा २७ धावांवर बाद झाला आहे.

IND vs SA Live Score: भारताचा निम्मा संघ तंबूत
भारतीय संघाला पाचवा धक्का बसला आहे. ध्रुव जुरेल अवघ्या १४ धावांवर माघारी परतला.

India vs South Africa Live: भारतीय संघाला चौथा मोठा धक्का! नको तो फटका मारण्याच्या प्रयत्नात ऋषभ पंत बाद

ऋषभ पंतने काही आकर्षक फटके मारले होते. पण त्याला २७ धावांवंर माघारी परतावं लागलं आहे.

IND vs SA Live: केएल राहुल परतला माघारी

भारतीय संघाला तिसरा धक्का बसला आहे. केएल राहुल ३९ धावा करत माघारी परतला आहे.

IND vs SA Live: भारतीय संघाच्या १०० धावा पूर्ण

भारतीय संघाने ३८ व्या षटकात १०० धावांचा पल्ला गाठला आहे. केएल राहुल आणि ऋषभ पंतची जोडी मैदानावर आहे.

IND vs SA Live: शुबमन गिलने अचानक सोडलं मैदान! नेमकं काय घडलं?

गिलने चौकार मारून आपलं खातं उघडलं. चौकार मारण्यासाठी त्याने स्विप शॉट मारला. यादरम्यान त्याच्या मानेला दुखापत झाली. त्यामुळे त्याला रिटायर्ड हर्ट होऊन माघारी परतावं लागलं आहे.

IND vs SA Live: भारतीय संघाला दुसरा धक्का

भारतीय संघाला दुसरा धक्का बसला आहे. वॉशिंग्टन सुंदर २९ धावांची खेळी करून माघारी परतला आहे.

IND vs SA Live: केएल राहुलच्या ४००० धावा पूर्ण

भारतीय कसोटी संघातील प्रमुख फलंदाजाची भूमिका पार पाडत असलेल्या केएल राहुलने कसोटी क्रिकेटमध्ये ४००० धावा पूर्ण केल्या आहेत.