Virat Kohli on Rashid Khan: विराट कोहली आणि त्याचा संघ रॉयल चॅलेंजर्स बंगळुरूचे विजेतेपदाचे स्वप्न गुजरात टायटन्सविरुद्धच्या पराभवाने संपुष्टात आले. सामन्यातील पराभवाच्या दु:खात बुडालेला बंगळुरू संघाचा स्टार फलंदाज विराट कोहली निराश होऊनही चाहत्यांची काळजी घेत आहे. सामना संपल्यानंतर राशिद खान त्याच्याकडे पोहोचला तेव्हा त्याने विरोधी संघाच्या स्टार लेगस्पिनरचे मोकळ्या मनाने स्वागत केले. विराट कोहलीने विरोधी संघाचा स्टार लेगस्पिनर राशिदला जर्सीवर ऑटोग्राफ दिला.
सामना संपल्यानंतर बंगळुरू आणि गुजरात संघ एकमेकांशी बोलत असताना लेगस्पिनर राशिद खान त्यांच्याकडे आला आणि विराटला त्याचा ऑटोग्राफ मागितला. पराभवाच्या दु:खात बुडलेल्या कोहलीने निराश होऊनही अफगाणिस्तानच्या या फिरकीपटूला निराश केले नाही आणि त्याने जर्सी रशीदला ऑटोग्राफ दिली. यानंतर दोन्ही खेळाडू काही वेळ गप्पा मारतानाही दिसले.
विराट कोहलीचे आयपीएल विजेतेपदाचे स्वप्न पुन्हा एकदा भंगले. आयपीएल २०२३च्या अंतिम साखळी सामन्यात किंग कोहलीच्या संघ रॉयल चॅलेंजर्स बंगळुरूला गुजरात टायटन्सकडून ६ विकेटने पराभव पत्करावा लागला. कोहलीच्या शतकानंतरही बंगळुरूचा संघ पराभवानंतर आयपीएल २०२३ च्या प्लेऑफच्या शर्यतीतून बाहेर पडला. या हृदयद्रावक पराभवानंतरही विराटने करोडो चाहत्यांची मने जिंकली.
विराट आयपीएलमध्ये सर्वाधिक शतके करणारा फलंदाज ठरला आहे
या सामन्यात विराटने शानदार शतक झळकावले. त्याने ६१ चेंडूत १३ चौकार आणि एका षटकाराच्या मदतीने नाबाद १०१ धावांची खेळी केली. कोहलीचे या मोसमातील हे दुसरे शतक असून आयपीएलमधील विक्रमी सातवे शतक आहे. तो आता या लीगमध्ये सर्वाधिक शतके करणारा फलंदाज बनला आहे. त्याआधी सहा शतके झळकावणाऱ्या ख्रिस गेलचा विक्रम कोहलीने मोडला आहे. कोहलीच्या शतकाच्या जोरावर बंगळुरूने २० षटकांत ५ गडी गमावून १९७ धावा केल्या, जे गुजरातने दोन षटक शिल्लक असताना गाठले.
शुबमन गिलच्या शतकाने कोहलीचे ‘विराट’ शतक व्यर्थ गेले
गिलच्या शतकाच्या जोरावर गुजरातने हा सामना ६ विकेटने जिंकून बंगळुरूला प्ले ऑफमधून बाहेर काढले. गिलने आपला उत्कृष्ट फॉर्म सुरू ठेवत ५२ चेंडूत ५ चौकार आणि ८ षटकारांसह नाबाद १०४ धावा केल्या. पहिली विकेट लवकर पडल्यानंतर गिल आणि प्रभावशाली खेळाडू विजय शंकर (५३ धावा, ३५ चेंडू) यांनी दुसऱ्या विकेटसाठी १२३ धावांची भागीदारी करत गुजरातला सामन्यात परत आणले. त्यानंतर गिलने शेवटपर्यंत उभे राहून पाच चेंडू राखून संघाला विजय मिळवून दिला. बंगळुरूच्या पराभवामुळे मुंबईला प्लेऑफमध्ये सहज विजय मिळवून दिला.