Rain Stopped Play Of IPL 2023 Final : आयपीएल २०२३ च्या फायनलच्या सामन्यात पावसाने खोडा घातला आहे. चेन्नई सुपर किंग्ज आणि गुजरात टायटन्स यांच्यात हा सामना अहमदाबादच्या नरेंद्र मोदी स्टेडियममध्ये ७.३० वाजता सुरु होणार होता. मात्र, मैदानात पावसाच्या सरी कोसळल्याने सामन्यात व्यत्यय आलं आहे. जर हा सामना ९.३५ वाजता सुरु झाला, तर हा सामना पूर्ण २० षटकांचा खेळवला जाईल. दोन्ही संघाना २० षटके मिळतील. पण १२.०६ वाजेपर्यंत पाच षटकांचा सामना झाला नाही, तर उद्या सोमवारी राखीव दिवशी २९ मे ला पुन्हा हा फायनलचा सामना खेळवण्यात येईल. सोमवारीही हा सामना झाला नाही, तर गुणतालिकेत अव्वल स्थानावर असलेल्या गुजरात टायटन्सला यंदाच्या आयपीएल हंगामाचं जेतेपद देण्यात येईल.
Scenarios for the night:
9️⃣:4️⃣0️⃣ – Full Game
1️⃣1️⃣:5️⃣6️⃣ – Five Over Game
No Game – Reserve Day Tomorrow#CSKvGT #IPL2023 ??— Chennai Super Kings (@ChennaiIPL) May 28, 2023
चेन्नई सुपर किंग्ज आणि गुजरात टायटन्स यांच्यात होणारा सामना पूर्ण करण्यासाठी अतिरिक्त १२० मिनिटांची वेळ उपलब्ध असेल. आयपीएल २०२३ च्या फायनलसाठी कट ऑफ टाईम जर ७.३० वाजता सुरु झाला, तर ५ षटक प्रति साइड गेमसाठी ११.५६ वाजेपर्यंत असेल. जर हे ८ वाजता सुरु झालं, तर कट ऑफ टाईम १२.२६ पर्यंत असेल. परंतु, सामन्याच एकही चेंडू खेळण्याची संधी मिळाली नाही, तर ग्रुप स्टेजमध्ये गुणतालिकेत पहिल्या क्रमांकावर असलेल्या संघाला विजेता घोषीत केला जाईल.
आयपीएल २०२३ च्या लीग राऊंडमध्ये १० सामने जिंकून गुजरातचा संघ गुणतालिकेत २० अंकांनी अव्वल स्थानावर आहे. तर चेन्नई सुपर किंग्जने त्यांच्या १४ सामन्यांमध्ये ८ सामने जिंकून १७ गुण मिळवले आहेत. त्यामुळे सीएसके दुसऱ्या स्थानावर आहे. अशातच फायनलचा सामना पावसामुळं रद्द झाला तर, गुजरात टायटन्सचा संघ सलग दुसऱ्यांदा चॅम्पियन बनेल.
मराठीतील सर्व आयपीएल २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: If rain stopped play of ipl 2023 final between chennai super kings and gujrat titans 29 th june reserve day for match nss
