MI vs LSG Eliminator Highlights: एमआय पलटणच्या गोलंदाजांची कमाल! चेन्नईच्या मैदानात लखनऊचा उडवला धुव्वा, मुंबईचा ८१ धावांनी दणदणीत विजय

रोहित शर्माच्या नेतृत्वाखालील संघाचे लक्ष आता सहाव्या आयपीएल विजेतेपदावर आहे. सुपर जायंट्स गेल्या मोसमात आरसीबीविरुद्ध केवळ एलिमिनेटरमध्ये पराभूत झाले होते आणि यावेळी संघाला त्यावर उभारी द्यायची आहे. नियमित कर्णधार लोकेश राहुलची अनुपस्थिती असूनही संघाचा समतोल कायम आहे आणि क्रुणाला पांड्याने उपलब्ध पर्यायांचा चांगला वापर केला आहे आणि आयपीएलच्या सर्वात यशस्वी संघाविरुद्ध गती कायम ठेवण्याची आशा आहे. मुंबईसाठी सनरायझर्स हैदराबाद विरुद्धच्या अंतिम साखळी सामन्यात ऑस्ट्रेलियन अष्टपैलू कॅमेरून ग्रीनने शानदार शतक झळकावले.

लखनऊने गेल्यावर्षीही प्लेऑफमध्ये प्रवेश केला होता; पण रॉयल चॅलेंजर्स बेंगळुरूने त्यांचे आव्हान संपुष्टात आणले होते. लखनऊसाठी जमेची बाब म्हणजे नियमित कर्णधार के.एल. राहुलच्या अनुपस्थितीतही या संघाने कामगिरी उंचावली. श्रेय अर्थातच बदली कर्णधार क्रुणाला पांड्याच्या सुपीक डोक्याचे. क्रुणालाने हाताशी असलेल्या खेळाडूंचा हुशारीने वापर करून घेत, संघात चैतन्य फुंकले.

दर्जेदार वेगवान गोलंदाजाची पोकळी मुंबईला यावर्षी सातत्याने जाणवत आहे. जसप्रीत बुमराह जायबंदी असल्याने ते सहाजिकच आहे; पण यावर तोडगा शोधणे या संघास जमलेच नाही. आतापर्यंतच्या वाटलाचील फलंदाजांच्या कामगिरीचा वाटा मोठा आहे. त्यामुळे मुंबईला जर आयपीएलच्या अंतिम फेरीत जायचे असेल तर त्यांना गोलंदाजीत सुधारणा करण्याची गरज आहे.

मात्र, हे केवळ तीन वेळा असे घडले आहे, जेव्हा प्लेऑफमध्ये तिसऱ्या किंवा चौथ्या स्थानावर असलेल्या संघांनी (२०११पासून) अंतिम फेरी गाठली होती. २०१६मध्ये सनरायझर्स हैदराबाद व्यतिरिक्त, २०१२मध्ये चेन्नई सुपर किंग्जने साखळी फेरीत चौथ्या स्थानावर राहून अंतिम फेरीत प्रवेश केला होता. त्यानंतर सीएसके संघ एलिमिनेटर (वि एमआय) आणि क्वालिफायर-२(वि. डीसी) जिंकण्यात यशस्वी झाला.

मात्र, अंतिम फेरीत केकेआरने सीएसकेचा पराभव केला. त्याच वेळी, २०२१ मध्ये कोलकाता नाइट रायडर्सच्या संघानेही असेच केले होते. त्यानंतर केकेआरने एलिमिनेटरमध्ये RCB आणि क्वालिफायर-२ मध्ये दिल्ली कॅपिटल्सचा पराभव केला. मात्र, चेन्नई सुपर किंग्जने फायनलमध्ये केकेआरचा पराभव केला.

२०११मध्ये क्वालिफायर आणि एलिमिनेटर फेऱ्या सुरू झाल्या. तेव्हापासून, १२ हंगामात असे फक्त एकदाच घडले आहे जेव्हा एखादा संघ एलिमिनेटर खेळून चॅम्पियन बनला आहे. डेव्हिड वॉर्नरच्या नेतृत्वाखाली सनरायझर्स हैदराबाद संघ चॅम्पियन बनला तेव्हा २०१६ मध्ये हे घडले. याशिवाय, प्लेऑफ पद्धत सुरू झाल्यापासून तिस-या आणि चौथ्या क्रमांकाचा संघ कधीही चॅम्पियन बनला नाही.

आयपीएल २०२३च्या एलिमिनेटर सामन्यात लखनऊ सुपर जायंट्सचा सामना मुंबई इंडियन्सशी होत आहे. दोन्ही संघांना हा सामना जिंकून दुसऱ्या क्वालिफायरमध्ये गुजरातचा सामना करायचा आहे. लखनऊचा संघ प्लेऑफ मध्ये फक्त दुसरा सामना खेळणार असून पहिला विजय मिळवण्याचा त्यांचा प्रयत्न असेल. त्याचवेळी मुंबईला प्लेऑफ मध्ये आपला
अप्रतिम विक्रम कायम ठेवायचा आहे.