Kane Williamson Bizzare Dismissal Video: इंग्लंड वि न्यूझीलंड यांच्यात तिसरा कसोटी सामना खेळवला जात आहे. या सामन्यात न्यूझीलंड संघाचा अनुभवी फलंदाज केन विल्यमसन असा काही विचित्र पद्धतीने बाद झाला की सर्वच जण अवाक् झाले आहेत. विरोधी संघाचा वेगवान गोलंदाज मॅथ्यू पॉट्सच्या चेंडूवर किवीचा अनुभवी फलंदाज केन विल्यमसन दुर्दैवीरित्या बाद झाला. त्याने स्वत:लाच क्लीन बोल्ड करून घेतले.
इंग्लंडच्या गोलंदाजीदरम्यान ५९व्या षटकात ही आश्चर्यकारक घटना पाहायला मिळाली. मॅथ्यू पॉट्स गोलंदाजी करत होता. तर केन विल्यमसन फलंदाजीसाठी क्रीझवर उभा होता. पॉट्सने षटकातील शेवटचा चेंडू स्टंपच्या कोनात टाकला. जिथे विल्यमसनने हलक्या हाताने बचावात्मक शॉट्स खेळण्याचा प्रयत्न केला. पण दुर्दैवाने चेंडू बॅटला लागून स्टंपला लागला. केनने पायाने चेंडू मारत वाचवण्याचा प्रयत्न करत होता मात्र त्या नादात चेंडू विकेटवर जाऊन आदळला.
हेही वाचा – IND vs AUS: रोहित शर्मावर गाबा कसोटीत नाणेफेक जिंकून गोलंदाजी घेतल्यामुळे का होतेय टीका?
केन विल्यमसन क्लीन बोल्ड झाल्यानंतर मैदानावरच त्याने राग आणि निराशा व्यक्त केली आणि पॅव्हेलियनमध्ये परतला. केन विल्यमसन या सामन्यात चांगली फलंदाजी करत ४४ धावा करून खेळत होता. पण पुन्हा एकदा विल्यमसन दुर्देवीरित्या बाद झाला आहे. त्याच्या या विकेटचा व्हीडिओ सोशल मीडियावर सगळीकडे व्हायरल होत आहे.
हेही वाचा – D Gukesh: गुकेशच्या विश्वविजेतेपदाने रशियाला पोटशूळ; डिंग लिरेनवर केला मुद्दाम हरल्याचा आरोप
तिसऱ्या कसोटी सामन्याच्या पहिल्या डावात बाद होण्यापूर्वी विल्यमसन चांगल्या फॉर्ममध्ये दिसत होता. संघासाठी तिसऱ्या क्रमांकावर फलंदाजी करताना त्याने एकूण ८७ चेंडूंचा सामना केला. दरम्यान, तो ५०.५७ च्या स्ट्राइक रेटने ४४ धावा करण्यात यशस्वी झाला. यादरम्याने त्याने नऊ चौकार लगावले होते.
हेही वाचा –VIDEO: “सचिनने माझ्या शस्त्रक्रियेचा सगळा खर्च केला…”; विनोद कांबळीने भावुक होत सांगितला घटनाक्रम
न्यूझीलंडचे सलामीवीर टॉम लॅथम आणि विल यंग यांनी संघाला चांगली सुरूवात करून देत १०५ धावांची भागीदारी रचली. विल्यमसननेही चांगली फलंदाजी करत डाव पुढे नेला. पण केन विल्यमसन बाद झाल्यानंतर न्यूझीलंडने विकेट गमावल्या. संघाने लागोपाठ विकेट्स गमावल्या आहेत. यामुळे एकेकाळी मजबूत स्थितीत दिसत असलेल्या न्यूझीलंड संघाला पहिल्या दिवसाचा खेळ संपेपर्यंत ९ गडी गमावून ३१५ धावा करता आल्या.
© IE Online Media Services (P) Ltd