IND vs AUS: रोहित शर्मावर गाबा कसोटीत नाणेफेक जिंकून गोलंदाजी घेतल्यामुळे का होतेय टीका?

गाबाच्या मैदानावरील प्रथम गोलंदाजी करतानाचा रेकॉर्ड

२००० सालानंतर गाबाच्या मैदानावर २४ सामने खेळले गेले आहेत. या कालावधीत प्रथम फलंदाजी करताना सरासरी ३४९ धावांचा रेकॉर्ड आहे. मात्र, गेल्या काही वर्षांत प्रथम गोलंदाजी करणाऱ्या संघांना फायदा झाला आहे. ताज्या खेळपट्ट्यांवर प्रथम गोलंदाजी करणाऱ्या संघांना दोनदा विरोधी संघाला २०० धावांच्या आत रोखण्यात यश आले आहे.

हेही वाचा – IND vs AUS: गाबा कसोटीसाठी भारताची प्लेईंग इलेव्हन जाहीर, संघात २ मोठे बदल; हर्षित राणा-अश्विन…

गाबाच्या खेळपट्टीवर वेगवान गोलंदाजांना सामान्यतः अधिक उसळी आणि वेग मिळतो. यामुळे गेल्या २४ वर्षात वेगवान गोलंदाजांनी ३१ च्या सरासरीने ५६१ विकेट घेतल्या आहेत. तर फिरकीपटूंनी ४२ च्या सरासरीने १४२ विकेट्स घेतल्या आहेत. याशिवाय या मैदानावर आतापर्यंत झालेल्या एकूण ६६ सामन्यांमध्ये प्रथम फलंदाजी करताना २६ वेळा विजय मिळवला आहे. तर दुसऱ्या डावात फलंदाजी करणाऱ्या संघाने २७ सामन्यांमध्ये विजय मिळवला आहे, तर १३ सामने अनिर्णित राहिले. २०२१ नंतर गाबाच्या मैदानावर दुसऱ्यांदा फलंदाजी करणाऱ्या संघाने ४ पैकी ३ सामने जिंकले आहेत.

हेही वाचा – VIDEO: “सचिनने माझ्या शस्त्रक्रियेचा सगळा खर्च केला…”; विनोद कांबळीने भावुक होत सांगितला घटनाक्रम

खेळपट्टी आणि ढगाळ परिस्थिती

ब्रिस्बेनच्या खेळपट्टीवर हिरवं गवत आहे आणि साधारणपणे वर्षाच्या या कालावधीत या खेळपट्टीवर थोडा अधिक बाऊन्स मिळतो. २०२१ मधील ऐतिहासिक लढतीसाठी यजमानांनी जी खेळपट्टी तयार केली होती त्यापेक्षा यंदाची खेळपट्टी थोडी वेगळी आहे. शिवाय, रोहितने सामन्यात भारताने प्रथम गोलंदाजी करण्यामागील कारण म्हणून ढगाळ परिस्थितीचा स्पष्टपणे उल्लेख केला आणि रोहितचा हा निर्णय तार्किक असल्याने योग्य असल्याचे दिसत आहे.

हेही वाचा – IND vs AUS: विराट कोहलीचं ऑस्ट्रेलियाविरूद्ध अनोखं ‘शतक’, सचिन तेंडुलकरनंतर ‘ही’ कामगिरी करणारा भारताचा फक्त दुसरा खेळाडू

भारताच्या फलंदाजी बाजूने केलेली निराशा

खेळण्याच्या परिस्थितीव्यतिरिक्त, भारतीय फलंदाजांना सुरूवातीच्या दोन्ही सामन्यांमध्ये अपेक्षेप्रमाणे कामगिरी करता आलेली नाही. याशिवाय वेगवान गोलंदाजीविरूद्ध आणि मुव्ह होणाऱ्या चेंडूविरुद्ध भारतीय फलंदाज संघर्ष करताना दिसले. भारतीय फलंदाज कांगारू संघाच्या वेगवान गोलंदाजी माऱ्यासमोर खेळताना फारसे आत्मविश्वासाने उतरले नव्हते आणि यजमानांना कठीण परिस्थितीत फलंदाजी करू देऊन भारताने निश्चितपणे आणखी एक फलंदाजी कोसळणे टाळल. त्यामुळे भारतीय फलंदाजीचा विचार करताही रोहितने प्रथम गोलंदाजी करण्याचा निर्णय घेतलेला असू शकतो.

हेही वाचा – Who is D Gukesh: कोण आहे डी गुकेश? वडिलांनी करिअर लावलं पणाला अन् लेक १८व्या वर्षी ठरला विश्वविजेता; वाचा त्याची कहाणी

कसोटी क्रिकेटमध्ये प्रथम फलंदाजी करणे हे सामान्यतः पारंपारिक मानले जात असले तरी, गाबाच्या मैदानावर सुरूवातीला वेगवान गोलंदाजांनी चांगली मदत मिळते आणि नंतर फलंदाजीसाठी ट्रॅक अधिक चांगला होतो. भारतीय गोलंदाजांची लाईन आणि लेंग्थ अचून नव्हती. त्यामुळे ख्वाजा आणि मॅकस्विनी यांनी संघाला चांगली सुरूवात करून दिली. या मैदानावर ऑस्ट्रेलियाने अनेक सामने खेळले आहेत, त्यामुळे त्यांना मागे टाकणं टीम इंडियासाठी सोप नसणार आहे. अशा प्रकारे, रोहित शर्माचा प्रथम गोलंदाजी करण्याचा निर्णय संघाच्या हिताचा आहे.