MS Dhoni Guide U19 Women’s Cricket Team: एखाद्या खेळाडूने क्रिकेटच्या खेळाला ‘ब्रेन गेम’ बनवले असेल, तर त्या क्रिकेटपटूचे नाव महेंद्रसिंग धोनी आहे, असे मानले जाते. कॅप्टन कूल या नावाने जगात आपला ठसा उमटवणारा महेंद्रसिंग धोनी पुन्हा एकदा चर्चेत आला आहे. १९ वर्षांखालील महिला क्रिकेटपटूंना क्रिकेटच्या टिप्स देऊन धोनी यावेळी पुन्हा एकदा चर्चेत आला आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

मुंबईतील वानखेडे स्टेडियमवर विश्वचषक जिंकणाऱ्या 19 वर्षांखालील भारतीय महिला संघासोबत महेंद्रसिंग धोनीचा संवादात्मक कार्यक्रम आयोजित करण्यात आला होता. ज्याचे नाव “क्रिकेट क्लिनिक: एमएसडी” असे दिले गेले. या कार्यशाळेत क्रिकेटचा प्रचंड अनुभव असलेल्या महेंद्रसिंग धोनीने अंडर-19 महिला खेळाडूंना फिटनेस, गेम प्लॅन तयार करणे, दबावाखाली चांगले खेळणे यासह अनेक महत्त्वाच्या टिप्स दिल्या.

१९ वर्षांखालील महिला खेळाडूंना संबोधित करताना धोनीने अशा कार्यशाळांचे स्वागत केले. त्याचबरोबर सांगितले की भारत नेहमीच क्रिकेटचे पॉवरहाऊस राहिला आहे. सध्या टीम इंडियाचा महिला संघ एक नवा आयाम देत आहे. तो म्हणाला की भारताच्या महिला क्रिकेटपटूंमध्ये या खेळाबाबत नेहमीच भरपूर वाव आहे. यावर माझा नेहमीच विश्वास आहे आणि आता जेव्हा तो अशा कार्यशाळांमध्ये तरुण खेळाडूंशी संवाद साधतो, तेव्हा त्याचा विश्वास अधिकच दृढ होत आहे.

महेंद्रसिंग धोनीशी संवाद साधल्यानंतर आणि त्याच्याकडून टिप्स घेतल्यानंतर अंडर-19 महिला संघही खूप उत्साहित दिसत होता. कार्यक्रमाच्या शेवटी माहीने त्यांना स्वाक्षरी केलेली बॅट भेट दिली. तसेच खेळाडूंसोबत सेल्फी काढला. वास्तविक, “क्रिकेट क्लिनिक: एमएसडी” चा उद्देश क्रिकेटचा आदर्श बनलेल्या महेंद्रसिंग धोनीचा, अफाट अनुभव तरुण महिला खेळाडूंसोबत शेअर करण्यासाठी एक मोठा व्यासपीठ उपलब्ध करून देणे हा होता.

हेही वाचा – IPL 2023 पूर्वी चेन्नई सुपर किंग्जसाठी आनंदाची बातमी; ‘या’ प्रमुख खेळाडूच्या पुनरागमनामुळे CSK संघाची वाढली ताकद

विशेष म्हणजे, भारतीय महिला क्रिकेट संघ दबावाच्या वेळी अनेक चुका करत असल्याचे अनेकदा मैदानावर पाहायला मिळते. धोनीला क्रिकेटमधील अशा प्रसंगांचा चॅम्पियन मानला जातो. त्यामुळे डोकं शांत ठेवून निर्णय कसा घ्यायचा आणि तुमच्या क्षमतेवर अधिक लक्ष कसे केंद्रित करायचे हे धोनीने सांगितले.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ms dhoni gave some important tips while guiding the u19 womens cricket team at the cricket clinic msd camp vbm